“सेवा-सेवारो सांगीतिक कार्यक्रम”को पोष्टर सार्वजनिक
बुसान कोरिया / “हाम्रो पहिचान संस्कार, निकाश सहितको सामाजिक अभियान, नेपाली कला संस्कृतिलाई गरौं सम्मान” भन्ने मूल नाराका साथ किरात याक्थुङ चुम्लुङ र किरात राई यायोक्खा बुसान ख्यङ्साङ्नाम्दो शाखाले संयुक्त रुपमा आयोजना गरेको “सेवा-सेवारो सांगीतिक कार्यक्रम”को पोष्टर सार्वजनिक साथै अन्तरक्रिया कार्यक्रम हिजो आईतबार किम्हेस्थित लिटल ईन्डिया रेष्टुरेन्टमा सार्वजनिक भएको छ। कार्यक्रममा आमंत्रित सघ-सस्थाका प्रतिनिधि साथै बिसिस्ट व्यक्तिहरुको उपस्थिति सहित सांगीतिक कार्यक्रमको बारेमा दुई पक्षीय बिचार बिमर्सहरु प्रस्तुत गरिएको थियो । कार्यक्रम आउदो कोरियन चाड छुसकको पहिलो दिन सेप्टेम्बर १२ तारिखमा आयोजना गरिएको हो ।
उक्त “सेवा-सेवारो सांगीतिक कार्यक्रम”को प्रायोजकमा लुम्बिनी रेस्टुरेन्ट, दुर्गा रेस्टुरेन्ट, न्यु लिटल ईन्डिया रेस्टुरेन्ट, नमस्ते रेस्टुरेन्ट र ई नाईन पे रेमीट रहेको छ भने मिडिया पार्टनरको लागी नमस्ते नेपाल डट नेट, नया अनलाईन डट कम, फोजिज कोरिया डट नेट, रेडियो अनलाईन गोर्खाली र अनलाईन वेब टिभी डट कम रहेको छ। कार्यक्रममा दर्शकहरुको रुचिलाई मध्यनजर गर्दै नेपालबाट बहुचर्चित आमंत्रीत ख्याती प्राप्त राष्ट्रिय कलाकारहरुमा गायक राई इज किङ राजेश पायल राई, संगीतकार तथा गायक तारा प्रकाश लिम्बु, गायिका मेलिना राई, नायिका तथा डान्सर नम्रता सापकोटा, (नेपाल आइडल टप १०) गायिका जस्मी लिम्बु, गायक सुसन साम्सोहाङ, गायक अशोक मुकारुङ, संगीतकार तथा गायक मबिन्द्र राई र गायिका रेश्मा पुन मगर रहेका छन् । यसैगरी कार्यक्रम संचालिका भूमिका फियाकले कार्यक्रम प्रस्तुत गर्नेछिन्। कोरिया लगायत कोरियाको दक्षिणी क्षेत्रमा रहेका बिभिन्न संघ संस्था, वुद्दिजिवि, ब्यापारी, विद्यार्थी, पत्रकार तथा विभिन्न पेसामा आबद्ध सम्पुर्ण नेपाली दाजु-भाई दिदी-बहिनीहरुमा कार्यक्रम सभ्य भब्य बनाई दिनु हुन संयाेजक किरण कन्दङवाले बिनम्र अनुरोध सहित निमन्त्रणा गर्नु भएको छ।
