कोरियामा आत्महत्या र भ्रम

सुरज लामिछाने

मर्ने रहर कदापी कसैलाई हुदैन र झन् आफूद्वारा आफै मारिनुपर्ने बिडम्बना युक्त रहरको त कल्पना पनि गर्न सकिदैन ! आफूद्वारा आफै मारिने निणय मान्छेले त्यति बेला मात्र गर्छ जतिबेला उसले समस्या र दुखको समाधानको कुनै विकल्प खोज्न असमर्थ रहन्छ र त्यसैबाट मुक्तिको निम्ति आत्महत्याको कठोर निणय लिन पुग्छ |

प्रसंग कोरिया मा नेपालीको बढ्दो आत्महत्या सम्बन्धको हो |कोरियमा हुने प्राय आत्महत्यालाई यहाको कामसंग तुलना गरेर समाचार प्रेषित हुने गर्दछ जुन कपोकल्पित र मनगढ़न्त्ते मात्र हुन् जस्तो लाग्छ | स्वाभाविक रुपले कोरियामा कडा मिहिनेत र परिश्रम गर्नुपर्छ | यसको अर्थ अरु देशमा गर्नुपर्दैन भन्ने हैन कोरियामा मात्र नभई अन्य जुनसुकै देश्को मूल मर्म नै कडा परिश्रम हो जुन अनिबार्य छ र जहाँ पक्कै पनि कडा परिश्रम र मिहिनेत्ले थाकेको तन र मनलाई शितल दिन सक्ने उचित श्रम मुल्यको मलम पट्टि पनि मिल्ने गर्दछ | लाग्छ काम गरेर पनि उचित मूल्य नपाएको हिनातामा आफै मुत्यु रोज्नुपर्ने अवस्था देखिदैन |

श्रमको उचित मुल्य नपाएकै हिनातामा आत्महत्याकै बाटो रोज्नु पर्नेहो भने पनि यहाँ हैन नेपालमै कयौ होनहारहरु आफ्नो बाटो लागिसकेका हुन्थे होला | त्यसैले यहि निहुमा मर्नको लागि यहाँसम्म आउनु जरुरि छैन | मेरै कुरा गर्दा नेपालमा हुँदा एउटा आबसिय बिध्यलयमा सम्मानका साथ पाउने शोषित मूल्य भन्दा यहाको कडा परिश्रमले पाएको न्यायोचित श्रम मूल्यमा म धेरै खुशी रहन सक्छु | त्यसैले दु:ख कामले हैन | काम पछि मिल्ने मुल्यले हो | जुन दुख हाम्रो प्यारो देशमा बिध्यमान छ | त्यसैले यहाको आत्महत्यालाई कामसंग मात्र तुलना गर्नु उचित देख्दिन म |

त्यसै गरी मानौ काम गर्न नसक्ने अवस्था नै आयो भनेपनि ईपिएस प्रणालीबाट कोरिया आएको जोकोहीलाई पनि नेपाल फर्केपछिको लाखौको ऋण को श्रुतामै यो बिरानो भूमिमा आफै मारिनुपर्ने जटिल अवस्था पनि द्खिदैन | त्यसैले आफ्नै व्यक्तिगत समस्या जुन बिल्कुल आन्तरीक हुन्छन | तिनै कारणले हुनसक्ने आत्महत्यालाई “बाघ कराको ,बाख्रो हराको “जस्तो गरि हचुवामा समाचार प्रेसित गरेर हामीजस्ता कोरियामा रहने युबाहरु यवम हाम्रा परिवार प्रति मानसिक बिचलन पैदा नगरिदिन अनुरोध गर्दछु | घटनाको यथार्थ तथ्य खोज्नु जरुरि छ | त्यस्ता समस्याहरु जुन सार्बजनिक भएपछिको घृणा र तिरस्कारको अग्रिम त्रासदी ,असफल प्रेम ,पारिवारिक बिचलन , अप्रत्याशित गुमाई आदि कारणले प्राय आत्महत्या हुने गर्छन |

त्यसैले कोरियामा हुने आत्महत्या पनि यिनै कारणबाट छुतो नरहन सक्छन बरु तिनको खोजि गरेर मात्र तथ्य कुरा बाहिर ल्याउने प्रयास गरौ | कोरियाबाट फर्किसकेर नेपालमा आत्महत्या गर्नेहरुलाई पनि कोरियासंगै जोडेर समाचार प्रेसित गर्नु जरुरि छैन | त्यसैले सहि तथ्य कुरा थाती राखेर हल्लाका आधारमा समाचार बनाएर हामीजस्ता प्रबासी हरुलाई हतोत्साही र बिचलित बनाउने काम बन्द गरौ |