पुनह कोरिया आउने सिबिटी परिक्षाको आवेदन खुल्यो
फोनिज कोरिया संवाददाता
सउल
दक्षिण कोरियामा काम गरेर स्वदेश फर्किएकालाई पुनह कोरिया आउन मिल्ने कम्पुटरमा आधारित परिक्षा (सिबिटी) परिक्षाको आवेदन अगष्ट ३ तारिखबाट खुला भएको कोरिया मानव संशोधन विकास (एचआरडी) कार्यलयले सूचित गरेको छ । अगष्ट ३ देखि ५ तारिखसम्म परिक्षा आवेदन भर्न सकिने छ ।
अगष्ट १६ तारिख परिक्षाको मिति तोकिएको छ भने सेम्टेम्बर २३ तारिख परिक्षा नतिजा सार्वजनिक गरिने छ । कोरियाबाट ३ वर्ष काम गरी नेपाल फर्केका ४० वर्ष नपुगेका व्यक्तिहरुले मात्र यो सिबिटी परिक्षामा सामेल हुन पाउने छन् ।
कोरियामा उत्पदन, कृषी तथा पशुपालन, निमार्ण तथा सेवामुलक क्षेत्रमा काम गर्नका लागि आवेदन दिन सकिनेछ । विषेश गरी कोरियामा ३ वर्ष भन्दा बढी बसेर नेपाल फर्केका बैधानिक कामदारका लागि सिबिटी परिक्षा लिइने गरिन्छ । यस परिक्षामा सामेल हुन नेपाल फर्कनेबेला कोरियाको एलान्स रेजिष्ट्रेसन कार्ड कोरियाको अध्यगमन विभागमा बुझाएको हुनु पर्ने छ ।
