चितवन सम्पर्क समितिले सलनालमा आयोजना गर्ने सांगीतिक कार्यक्रमको पोष्टर सार्वजनिक जनवरी ०१ मा गर्ने
कोरिया स्थित क्षेत्रीय संस्था चितवन सम्पर्क समितिले कोरियन नयाँ वर्ष सलनाल २०२३ को अवसर पारेर चितवन सांगीतिक धमाका ४ म्यूजिकल नाईटको पोष्टर सार्वजानिक तथा पत्रकार सम्मेलन हुने भएको छ । सलनाललाई लक्षित गर्दै आयोजना गरिने सो कार्यक्रमको बारेमा सम्पूर्ण जानकारी दिने उद्धेश्यले ब्यापक तयारीमा आयोजक संस्था जुटिरहेको सोही संस्थाका अध्यक्ष राजकुमार स्याङ्तनले बताए ।
बागमती प्रदेश एकता समाज दक्षिण कोरिया अन्तर्गत रहेका दश जिल्लाहरुको पूर्ण साथ, समर्थन र निर्णयात्मक अनुमोदन गरिएकोले कार्यक्रम सफल र थप उत्साहजनक सोही प्रदेश अध्यक्ष रबि प्रताप घिसिङले बताए । अभिभावकत्व प्रदान गर्ने उद्धेश्यले सन् २०१८ मा कोरियामा स्थापना गरिएको बागमती प्रदेश एकता समाज प्रदेशको समन्वय र मातहतमा रहने गरि चितवन सम्पर्क समितिले सो कार्यक्रम आयोजना गर्न गईरहेको संस्थाका वरिष्ठ उपाध्यक्ष सागर सापकोटाले थपे । संस्थाले स्थापना कालदेखि विभिन्न सामाजिक र परोपकारी कार्यमा अग्रसरता देखाउँदै आइरहेको सन्दर्भ उल्लेख गर्दै कार्यक्रमको उद्धेश्य, औचित्यता र पूर्ण जानकारी सहित यही जनवरी ०१ तारिक पोष्टर सार्वजनिक गरिने जानकारी संस्थाका महासचिव विनोद चौधरीले स्पष्ट पारे ।
चितवन सम्पर्क समितिले आयोजना गर्न लागिरहेको चितवन सांगीतिक धमाका ४ म्यूजिकल नाईट कार्यक्रमको पोष्टर सार्वजनिक तथा पत्रकार सम्मेलन तपसिलका मिति, समय र स्थानमा हुने भएकाेले कोरियास्थित सम्पूर्ण नेपाली दाजुभाई तथा दिदीबहिनीहरुमा आयोजक संस्थाले उपस्थितिका लागि हार्दिक अनुरोध गरेको छ ।
पोष्टर सार्वजनिक तथा पत्रकार सम्मेलन कार्यक्रम :
मिति : २०२३ जनवरी ०१, आइतबार
समय : दिनको ठिक ११:०० बजे
स्थान : निक ट्राभल्सको सभाहल दोङ्देमुन, सउल
