कारियाको चमत्कारिक छेबोदो टापुमा काभ्रे सम्पर्क समितिको वनभोज कार्यक्रम

दक्षिण कोरियामा गर्मीको मौसम पारेर काभ्रे सम्पर्क समिति दक्षिण कोरियाले बृहत वनभोज तथा परिचयात्मक कार्यक्रम गर्ने भएको छ । कार्यक्रम अगामी अगष्टको २४ र २५ तरिखमा कोरियाकै पश्चिमी तटमा रहेको छेबुदो समुन्द्रिक टापुमा हुने जानकारी काभ्रे सम्पर्क समिति द. कोरियाको अध्यक्ष सानू लामाले दिएका छन् ।

“कोरियामा रहेका सबैजना संगै मनोरञ्जन साथै सुःख दुःखको कुरा गर्ने अवसरको रूपमा कार्यक्रम आयोजना गर्न लागेको हो । त्यसैले सबैलाई सहभागीताको लागि अनुरोध गर्न चाहन्छु ।” अध्यक्ष लामाले भने ।

छेबुदो दक्षिण कोरियाको पश्चिमी तटमा रहेको सियोलको दक्षिण पश्चिमको एक सानो टापु हो । यहाँ दिनहुँ दिनको दुइ पटक यो टापुमा जाने सडक सामुन्द्रिक छालले केही समयको लागि बन्द हुनेभएकोले यसलाइ मोसाको चमत्कार (모사의 기적) पनि भनिने कार्यक्रमको संयोजक तथा काभ्रे सम्पर्क समितिका उपाध्यक्ष सन्जय खत्रीले जानकारी दिए ।

सांस्कृतिक कार्यक्रमको साथमा विविध खेलहरू पनि खेलिने कार्यक्रममा सहभागिताका लागि पुरूषले ८० हजार वोन् र महिलाले ७० हजार वोन् शुल्क बुझाइ सहभागि हुन सकिने जनाएको छ ।