जन्मजात सबै सदस्य अपांग भएका परिवारलाई कोरियामा सहयोग अभियान

सोल

गोर्खा जिल्लाको याइ०दी गाउँ निवासी जन्मजात सबै सदस्य अपांग रहेका एक गरिब परिवारलाई सहयोग गर्न कोरियामा गुनराज न्यौपानेले आर्थिक सहयोग संकलन शुरु गरेका छन् ।

गोरखा जिल्लाको गण्डकी गाउँपालिका वडा नम्बर ३ याङदी गाउँ निवासी हुन ती परिवार । ९० बर्षिय दल बहादुर भुजेलको परिवार दैनिक कष्ठपूर्ण जिवन यापन गर्दै आइरहेका छन् । परिवारमा भएका २ छोरा र १ छोरी समेत जन्मजात अपांग भएपछि भुजेल परिवारमा झनै दुःख थपिएको छ ।

जेठा छोरा राम बहादुर भुजेल र छोरी देवीमाया भुजेल हिडडुल गर्न सक्दैन घिस्रेरै घर भित्र बाहिर गर्छन् । कान्छा छोरा चंख बहादुर लौरोको सहारामा यता उता हिड्ढुल मात्र गर्न सक्छन् । घर भित्रका काम गर्न समेत भुजेल परिवारलाई गाह्रो छ ।

जन्मजात नै अपागं रहेको भुजेल परिवारमा आम्दानीका लागि पैसा कमाउन सक्ने कोही नहुदा बिहान बेलुकीको छाक टार्न समेत धौ धौ छ । त्यसमाथि भुकम्पले भएको एउटा घर पनि भत्किएपछि उनीहरुलाई झनै अर्को बिपत थपिएको छ । चिसोमा शित समेत चुहिने छाना मुनी बस्दै आएका ४ जनाको अपांग भुजेल परिवारलाई दुःख देखेपछि सायद कसैको मन पनि थामिदैन होला ।

घरमा बिहान बेलुकी खाने लाउने पिडा त छदैछ तै पनि यो परिवारलाई कसैले घर बनाउन सहयोग गर्दिए हुन्थ्यो भन्ने चाहाना छ । ६५ बर्षिया जेठा छोरा राम बहादुर भुजेलले भन्नुभयो “ कसैले सहयोगले एउट घर बनाइ दिए हुन्थ्यो भन्ने लाग्छ ।”

सो गरिब र अशक्त परिवारको लागि आर्थिक सहयोग संकलन गर्न सम्बन्धीत वाडा कार्यलयबाट अनुमति लिएको जानकारी गराउदै न्यूपानेले कोरिया निवासी नेपाली जनसमुदायलाई आर्थिक सहयोग गर्न हार्दिक अपिल गरेका छन् । हालसम्म ४ लाख ३५ हजार वन संकलन भएको जानकारी पनि उनले गराएका छन् ।

सहयोगको लागि निम्नअनुसारको विवरण उल्लेख गरिएको छ ।

Neupane Guna Prasad

NH BANK

3010177872501