अन्तराष्ट्रीय नेपाली समाज दक्षिण कोरीया,क्षेत्र न. १ ले अधिवेशन गर्दै
बुसान, विकास र निकास दिने मुल नारा लिएर पछिल्लो समयमा उदाएको एक उदयमान पार्टी हो नयाँशक्ती नेपाल पार्टी । कोरीयामा रहेको यही पार्टीको भातृसंगठन अर्थात भगीनी संस्था “अन्तरास्ट्रिय नेपाली समाज दक्षिण कोरिया” अन्तर्गत – क्षेत्र न. १, बुसानले आफ्नो प्रथम अधिवेशन गर्ने भएको छ । यो क्षेत्रिय अधिवेशन २०१७-०१-१५ तारीक आइतबारको दिन किम्हे शहरमा हुने भएको छ ।
नेपाली दुर्गा रेष्टुरेन्टको ठिक अगाडी रहेको किम्हे सिजांको दोङ कफी सप (Dong Coffee Shop) भवनको चौथो तलामा दिनको १२ बजे गरिने जानकारी दिइएको छ । गत मिति २०१६-१२-२७ का दिन बसेको अन्तरिम क्षेत्रिय परिषदको बैठकद्वारा अधिवेशनको मिति तोकिएको हो । अन्तरास्ट्रिय नेपाली समाज दक्षिण कोरिया, केन्द्रिय समितिको अधिवेशन समेत आउदो सलनालमा राजधानी सौलमा हुने भएकोले सो अगावै सम्पूर्ण क्षेत्रको अधिवेशन सम्पन्न गर्नु पर्ने भएकोले क्षेत्र न. १ अर्थात पहिलो क्षेत्रले अन्य क्षेत्र भन्दा पहिले नै आफ्नो अधिवेशन गर्न लागेको हो ।
दक्षिण कोरियामा रहेका सबै ६ वटै क्षेत्र तथा २ उप-क्षेत्रहरुले क्रमश गर्ने बुझिएको छ । उक्त अधिवेशनलाइ सभ्य तथा भब्य तरीकाले सफल बनाउनको लागी यस क्षेत्रका निवर्तमान संयोजक बेलमान थापा को संयोजकत्वमा अधिवेशन मूल आयोजक समिति तथा विभिन्न उपसमितिहरु समेत बनाइएको जानकारी सो क्षेत्रका इन्चार्ज तथा अन्तरास्ट्रिय नेपाली समाज दक्षिण कोरियाका सचिवालय सदस्य निश्चल पौडेलले जानकारी गराएकोछ ।
अधिवेशनको सम्पूर्ण तयारी पुरा भएको जानकारी पनी आयोजकले बताएको छ । यो पहिलो क्षेत्रको प्रथम अधिवेशनमा उपस्थितिभइ कार्यक्रमको सोभा बढाइ दिनहुनको लागि यस क्षेत्र अन्तर्गत ( किम्हे, बुसान, यांसान, मिर्याङ,नोक्सान,..आदी) रहेका सम्पूर्ण बुद्धिजीवी, विद्यार्थी, पत्रकार, व्यवसायी, श्रमिक तथा विभिन्न संघ-संस्थाका प्रतिनिधिहरुलाइ मुल आयोजक कमिटीले हार्दिक अनुरोध पनी गरेको छ । देश-विदेश जहाँ भए पनी नेपाल र नेपालीको हितमा काम होस, एक होस सबैको भावना साथै कार्यक्रम सफलताको शुभकामना ~~।
