किम्हेमा निःशुल्क स्वास्थ्य परीक्षण तथा जनचेतनामूलक अन्तर्क्रिया हुने
फोनिज संवाददाता, सपोर्ट नेपाल फॉउन्डेशन द. कोरिया,कोरियाको लागि नेपाली राजदूताबास र बैदेसिक रोजगार तथा प्रबाशी कल्याण समिति,एन आर एन अन्तराष्ट्रिय समन्वय समितिको संयुक्त आयोजनामा यहि १० तारिख आइतबार किम्हेमा निःशुल्क स्वास्थ्य परीक्षण तथा जनचेतनामूलक अन्तर्क्रिया हुने भएको छ ।
कोरियामा भैरहेको आत्महत्या,कम्पनी दुर्घटना तथा अस्वभाविक मृत्युलाइ न्यूनीकरण गर्ने उद्देश्य अनुरूप गतहप्ता कोरियाको सुवनमा सफलताका साथ सम्पन्न भएको पहिलो अन्तर्क्रिया कार्येक्रम पश्चात पुनः कोरियाको बुसान,किम्हे,उलसान,गजे लगाएत जिन्जुलाई समेटेर “१ दिने आत्महत्या तथा अस्वभाविक मृत्युका कारण तथा न्यूनीकरण “बिषयक जनचेतनामूलक अन्तर्क्रिया,परामर्श तथा निःशुल्क स्वास्थ्य शिबिरका साथै नेपाली राजदूताबासबाट प्राप्त गर्न सकिने भएकोले उक्त क्षेत्र आसपास रहनु भएका सम्पूर्ण नेपालीजनहरुमा मौकाको फाइदा उठाउनुहुन आयोजकले विनम्र अनुरोध गरेको छ।
दिउसो १बजे किम्हे माइग्रेन्ट हाउसमा सुरु हुने कार्यक्रममा अन्तर्क्रिया कार्येक्रम अन्तर्गत अस्वभाविक मृत्यु(सुतेकै अबस्थामा हुने) कसरि हुन्छ र समाधनको उपाय तथा रोकथाम बारेमा जानकारी गरिने भएको छ । त्यसैगरी टाउकोको नशा कसरि फुटछ र यस्को रोकथाम तथा बच्ने उपाय, डिप्रेशनका कारण र बच्ने उपाय, आत्महत्याका लक्षण सम्बन्धि जानकारी गरिने भएको छ । दोस्रो चरणको कार्यक्रम अन्तर्गत बेलुकी ६ बजेसम्म नियमित मेडिकल सेवा सम्बन्धी, हाड,जोर्नी, छाला र पेट सम्बन्धी, जेनरल फिजिसियनका साथै कामदार काउन्सेल डेस्क(कम्पनी दुर्घटना तथा क्षतिपूर्ति,कम्पनी परिबर्तन तथा थेजीकम सम्बन्धी) , नेपाली राजदूताबासको डेस्क(नेपाली राजदूताबासमा हुने सम्पूर्ण कामहरु) बारेमा पनि जानकारी गरिने भएको छ ।
सम्पर्क नम्बरहरु:- ०१०-६३००-०९०२(यज्ञराज सुबेदी)
०१०-३२६८-९२२२(के पी चौलागाईं)
०१०-६५१०-८६४३(हरी थपालिया)
०१०-४८८९-३२३३(हरिकृष्ण श्रेष्ठ)
०१०-९५०६-३२०७(रमेश उप्रेती)
०१०-५९०१-५८००(भुसाल केपि)
