कोरियामा शरणार्थी भिसाको निम्ति निवेदन दिने नेपालीको संख्या बददो
सोल – कोरियामा पछिल्लो समय शरणार्थी भिसा बनाउन लागि निवेदन दिने नेपालीहरुको संख्या बढ्दो छ | धेरै नेपालीहरु ईपिएस मार्फत कोरिया आएर आफ्नो ४ बर्ष १० महिने कार्यअवधि सकेर शरणार्थी भिसाको निम्ति निवेदन दिने गरेका छन् |
जनयुद्धकालमा ३० देखि ३५ जना नेपालीले शरणार्थी भिसा प्राप्त गरेको एक नेपाली अधिकारीले बताए | आवेदन दिदा एजेन्टहरुले ५ / ७ लाख वन देखि १५ / १६ लाख वन लिने गरेको एक नेपालीले नाम नखुलाउने शर्तमा फोनिजकोरियालाई बताए |
भिसाको लागि निवेदन दिए पछि केश १ देखि २ बर्षसम्म लम्बिने गरेको तर अहिले आएर कोरियन सरकारले कडा नीति अपनाए पछि बिषेशत ई नाईन भिसा भएका केही केशहरु २ / ३ हप्तामै टुंगाउने गरेको छ |
पछिल्ला बर्षहरुमा कुनै पनि नेपालीले शरणार्थी भिसा प्राप्त गर्न नसकेको बुझिएको छ | यस बारे नेपाली दुताबासमा बुझ्न खोज्दा दुताबाससंग कुनै जानकारी नभएको एक कर्मचारीले बताए |
ईपिएस मार्फत कोरिया आएका एक नेपाली युवाले यस बारे टिप्पणी गर्दै भने अहिले पनि आफ्नो देश फर्किन सक्ने बाताबरण छैन भन्दै शरणार्थी भिसा माग्नु देशकै छविमा आँच आउने र लाजमर्दो कुरा हो |
