११ औँ सिबिटी खुल्यो (सूचना सहित )
सोल-ईपीएस अन्तर्गत कोरिया आएर एक कार्यकाल पुरा गरेका नेपाली कामदारका फेरि कोरिया आउनका लागि सञ्चालन गरिने ११ औँ सिबिटीको आवेदन फारम खुलेको छ ।
आवेदन फारम आगामी कात्तिक १५ गतेदेखि १७ गतेसम्म वितरण गरिनेछ । फारम बिहान आठ बजेदेखि बेलुका साढे पाँच बजेसम्म वितरण गरिनेछ ।
उक्त भाषाको परीक्षा भने मंसिर १६ गतेलाई तय गरिएको छ । परीक्षाको तालिका कात्तिक ३० गते प्रकासन गरिने ईपीएस कोरिया शाखाले जनाएको छ । परीक्षाको नतिजा भने आगामी पुस ३ गते प्रकाशन हुनेछ ।
उक्त रकम फारम भर्ने अघिल्लो दिनका लागि केन्द्रीय बैंकले तोकेको विनिमय दरका हिसाबबाट नेपाली रुपैयाँको हिसाब हुने शाखाले जनाएको छ ।
नेपाल सरकार, श्रम तथा रोजगार मन्त्रालय र कोरिया सरकारबीच सम्मन्न समझदारी पत्र अनुसार कोरियामा गएर काम गरेर फर्केका नेपाली नागरिकले विशेष भाषा परीक्षाका लागि आवेदन दिन पाउनेछन् ।
आवेदक फौजदारी अभियोगमा अदालतबाट जेल सजाय नपाएको, कोरियामा गैर कानुनी रुपमा बसोबास नगरेको, नेपालबाट अन्य मुलुकमा जान रोक नलगाएको र १८ वर्ष पूरा भई ३९ वर्ष ननाघेको हुनुपर्ने ईपीएस कोरिया शाखाले जनाएको छ ।
फारम शुल्क कति ?
विशेष भाषा परीक्षामा सहभागी बन्नका लागि आवेदकले २४ अमेरिकी डलर तिरेर फारम किन्नुपर्नेछ ।
विशेष कारणबस आवेदन फारम रद्द गर्न चाहनेहरुले दर्ता अवधिभित्र रद्द गर्न पाउने छन् । त्यसका लागि आवेदकले रकम बुझाएको भौचर सहित उपस्थित हुनुपर्ने छ ।
बिस्तृत सूचना यहाँ हेर्नुहोस :-
