२०१६ को कोरियन भाषा परिक्षामा अनलाइन मार्फत फारम लिने तयारी
काठमाडौं– रोजगार अनुमति प्रणाली(इपिएस) कोरिया शाखाले सन् २०१६ मा लिइने परीक्षाको आवेदन अनलाइनमार्फत दर्ता गर्ने तयारी गरेको छ। यसका लागि मानव संशाधन विकास शाखा (एचआरडी) कोरियाले सहमति दिई सकेको छ।
सम्पूर्ण पक्षको अध्यययन पूरा गरी तयार पारिएको प्रतिवेदनका आधारमा एचआरडी कोरियाले सहमति दिएको हो। आवेदन अनलाइनमार्फत् बुझ्ने व्यवस्थाले नेपाली युवालाई आधा रातदेखि लाइन बस्नु पर्ने समस्याबाट मुक्ति मिल्नेछ |
अनलाइनमार्फत आवेदन संकलन गर्ने सम्बन्धी कागजात अहिले निर्णयका लागि श्रम मन्त्रालयमा छ। मन्त्रालयले स्वीकृत गर्ना साथ अनलाइन सफ्टवेयर स्थापनाका लागि बोलपत्र आह्वान प्रक्रिया अघि बढाउने इपिएस शाखाका निर्देशक डिल्लीराम बाँस्तोलाले बताए।
एउटा परीक्षाका लागि आवेदन संकलन कार्यमा मात्रै झण्डै १ करोड रुपैयाँ जति खर्च हुने गरेको छ। निर्देशक बास्तोलाले एकपटकको परीक्षामा लाग्ने १ करोड रुपैयाँ लगानी गर्ने हो भने सहजै अनलाइन सफ्वेयर स्थापना गर्न सकिने बताउँछन्। सफ्टवेयर स्थापनाका लागि एचआरडी कोरियासँग पनि सहयोगका लागि कुराकानी भइरहेको उनले बताए।
अब देखि आधा रातदेखि लाइनमा बसेर फारम भर्नुपर्ने बाध्यता हटने छ भने नेपलीयुवाहरुले घरमै बसेर अनलाइनमार्फत फारम दर्ता गराउन सक्नेछन्।
