आफूखुशी लिम्बू भाषा परिवर्तन नगर्न याक्थुङ लेखक संघ कोरियाको आग्रह

याक्थुङ लेखक संघ कोरियाले लिम्बू भाषामा गरिएको परिवर्तनलाई आफूखुशी गरिएको भन्दै विराध जनाएको छ । एक प्रस विज्ञप्ती जारि गदैए संघले लिपिलाई अनाधिकृत रुपमा तोडमोड गर्दै आफुखुसी केही वर्ण(अक्षर)हरु र उप–चिन्हहरु थपेर नयाँ वर्णमाला सार्वजनिक गरीएको प्रति गम्भीर ध्यानाकर्षण भएको जनाएको छ ।
विज्ञप्तीमा भनिएको छ २०७८ शाल माघ १ गते कथित किरात सिरिजङगा लिपि समायोजन विज्ञ कार्यदलको नामबाट हामीले प्रयोग गरिरहेको किराँत सिरिजङ्गा लिपिलाई अनाधिकृत रुपमा तोडमोड गर्दै आफुखुसी केही वर्ण(अक्षर)हरु र उप–चिन्हहरु थपेर नयाँ वर्णमाला सार्वजनिक गरीएको प्रति हाम्रो गम्भीर ध्यानाकर्षण भएको छ । काठमाण्डौँको अँध्यारो कोठामा बसेर आम रूपले स्थापित लिपि निर्माणको सिद्धान्त र मान्यतालाई समेत ख्यालै नगरी लिपिलाई क्षतविक्षत गर्न र लिपिको सौन्दर्य भत्काउन वर्णमालामा हठात केही वर्ण(अक्षर)हरु र उप–चिन्हहरु आफू खुसी थपिनु प्राविधिक रूपले समेत गम्भीर त्रुटि भएको हाम्रो बुझाई छ । लिम्बू(याक्थुङ) भाषाको ध्वनिमा हुँदै नभएको वर्णहरु आफूखुसी निर्माण गर्ने कार्यले भाषा प्रयोगको हिसाबमा समेत जटिलता उत्पन्न हुनेछ ।
नेपालमा बोलिने प्रमुख भाषा मध्ये लिम्बू(याक्थुङ) भाषा र लेखिने प्रमुख लिपि मध्ये लिम्बुहरूको लिपि किरात सिरिजङ्गा लिपि पनि एक हो । हालै लिम्बू(याक्थुङ) भाषालाई प्रदेश नं एकमा सरकारी कामकाजको भाषा सिफारिस गरिएको पनि संघले जनाएको छ । लिम्बू भाषालाई विभिन्न स्थानिय निकायले पनि आफ्नो कार्यलयको भाषा बनाएको, उच्च माध्यमिक तहसम्म पठनपाठन हुने पनि संघले जनाएको छ ।
यस भाषाको माङ्सेबुङ ईलाममा गुरुकुल शिक्षा पद्दति अन्तर्गत मुन्धुम विद्यालय सञ्चालन गरी विशुद्ध लिम्बू(याक्थुङ) भाषा र किरात सिरीजङ्गा लिपिबाट मात्र शिक्षा प्रदान गर्ने कार्य भईआएको छ । लिम्बू(याक्थुङ) भाषा र किरात सिरिजङ्गा लिपि मार्फत साहित्य सिर्जना गरिरहेका, पुस्तक पत्रपत्रिका, अनलाइन प्रकाशन÷प्रशारण गरिरहेका समग्र याक्थुङ स्रष्टा, सर्जकहरुले आफ्नो लिपि आलेखनमा पर्याप्त छलफल र बहस विना केही व्यक्तिहरू को व्यक्तिगत निर्णयको आधारले सार्वजनिक गरिएको वर्णमालाका नयाँ वर्ण(अक्षर)हरु तत्काल प्रयोग नगर्न पनि याक्थुङ लेखक संघले अनुरोध गरेको छ ।

विज्ञप्ती