ताप्लेजुङको घुन्सामा हाम्रो जमर्को नेपाल कोरियाको सहयोग
सोल
जमर्को नेपाल दक्षिण कोरियाले घुन्सा स्वास्थ्य चौकी भवन निर्माण अभियानलाइै सोमबार नगद रू ५० हजार ५ सय ५५ रूपैया सहयोग रकम हस्तान्तरण गरेको छ।
रकम सस्थाका अध्यक्ष राम चन्द्र राइै र सदस्य नेत्र माबोले संयुक्त रूपमा हस्तान्तरण गरेका थिए । यस अघि जमर्कोले राष्ट्रिय आविष्कार केन्द्रीलाई एक कार्यक्रम आयोजना गरि रु १ लाख ५१ हजार रुपियाँ सहयोग गरेको थियो ।
सोही गाउँकी सञ्चारकर्मी तथा स्टेज कार्यक्रम संचालिकाको रुपमा परिचित याङजोम शेर्पाको पहलामा केहि समय देखि घुन्सामा स्वास्थ्य चौकी भवन निर्माण अभियान संचालन गरिएको छ । दुई वर्षअघि गाउलेको सहयोगमा सामुदायिक स्वास्थ्य इकाई स्थापना गरी दुई स्वस्थ्यकर्मीबाट सेवा प्रदान गरिदै आएका छन् । तर भवनको अभावका कारण स्थानिय निम्न माध्यमिक बिद्यालयको एउटा कोठाबाट स्वास्थ्य इकाई सञ्चालन भइरहेको छ ।
सोही इकाईलाई स्वास्थ्य चौकीमा परिवर्तन गरी आफ्नै भवनबाट सेवा दिने लक्ष्य लिएर सहयोग अभियान संचालन गरिएको छ । भवन निर्माण गर्न आवश्यक ४० लाख रूपैया संकलन नभएसम्म अभियान जारी राख्ने उनको भनाइ छ ।
आठ वर्षकै उमेरमा आमा गुमाएकी शेर्पाको आमको भाइलाई जन्म दिदा प्रसव पीडामा छटपटीएर निधन भएको थियो । सो गाउमा यसैगरी थुप्रै महिलाहरुले उपचारको अभावमा ज्यान गुमाउदै आएका छन् । आमा गुमाउनु परेको पिडालाइ शक्तिमा बदल्दै त्यहि ठाउमा जसरी पनि स्वास्थ्य चौकी निर्माण गर्ने लक्ष्य लिएर उनी अभियानमा जुटेकी छिन् ।
तिब्वतसगं सिमाना जोडिएको घुन्सा ताप्लेजुङ सदरमुकामबाट चार दिनको पैदल यात्रापछि पुगिने जिल्लाको विकट गाँउ हो । जहाँ स्वास्थ्य सेवा तथा उपचार नपाएर धेरैको ज्यान जाने गरेको छ ।
यस अभियानमा सहयोग गर्न चाहनेहरुले निम्न बैंक एकाउन्टमा रकम जम्मा गर्न सक्नुहुनेछ ।
सहयोगका लागि
नेपाल इन्भेष्टमेन्ट बैंक खाता नं।
०१२०५०८०३४१९८१
फोन न।( ९८४१८९७६१३
