कोरियामा अन्तराष्ट्रिय प्रवासी मजदूर दिवस मनाइदै
फोनिज कोरिया सम्वाददाता
सउल, अन्तर्राष्ट्रिय प्रवासी मजदूर दिवसको अवसर पारेर कोरियामा रहेका प्रवासी मजदूरहरुले डिसेम्बर १८ तारिख आइतबार प्रवासी मजदूर दिवस मनाउने भएका छन् । प्रवासी मजदूर संगठन (एमटियू)ले आयोजना गर्न लागेको उक्त कार्यक्रममा सबै प्रवासी मजदूरलाई सहभागी भइदिन पनि आग्रह गरेको छ ।
कोरियामा रहेको प्रवासी मजदुरहरुको हकअधिकार सुनिस्चित गर्दै उनीहरुको समानता र समस्या समाधानकोलागि संघर्ष गर्न सबै प्रवासी मजदुरहरुलाई संगठित गराउन स्थापना गरेको प्रवासी मजदुर संगठन(एमटियु )ले “कोरियामा १० लाख प्रवासी मजदुर युगको शुरुवात सबैलाई समान मानब तथा मजदुर अधिकार” भन्ने नाराका साथ प्रवासी मजदूरहरुको हक अधिकारको बारेमा आवाज उठाउदै आएको छ । एमटियुले कोरियन सरकार समक्ष सबै प्रवासी मजदुरहरुको स्वईच्छाले कम्पनी परिबर्तन गर्न पाउने अधिकारलाई मान्यता दिनु पर्ने, काम गर्न पाउने उमेरको हद हटाउनु पर्ने, कृषि क्षेत्रको मजदुरले उत्पादन क्षेत्रमा परिबर्तन गर्न पाउनुपर्ने लगाएतका मागहरु राख्दै आएको छ ।
प्रवासी मजदुरले आफनो परिवार ल्याउन पाउनु पर्ने, ५ बर्ष भन्दा बढि अवधि लगातार काम गर्न पाउनु पर्ने, ईपिएसको मजदुरले कोरियामै थेजिकगुम पाउनु पर्ने, कृषि क्षेत्रको प्रवासी मजदुरलाई भेदभाब गर्ने मजदुर कानुनको धारा ६३ खारेज हुनु पर्ने, भिषा नभएको मजदुरलाई भिषा दिनु पर्ने, प्रवासी मजदुरलाई सम्भाब्य अपराधीको संग्या दिन बन्द गर्नु पर्ने, ईपिएसलाई डब्लुपिएसमा परिबर्तन गर्नुपर्ने लगायतको बिभिन्न मागहरु राख्दै अन्तराष्ट्रि्य प्रवासी मजदुर दिबस भब्य रुपमा मनाउन गइरहेकोले सबै देशको प्रवासी मजदुर, बिभिन्न संघ सस्थाको पदाधिकारीहरु, बुद्घिजिबि, पत्रकार ,बिद्मार्थी साथै सम्पुर्ण दाजु भाई तथा दिदी बहिनीहरु सउलको ख्वाङह्वामु हेचि पार्क, रेल लाइन नं ५ ख्वाङह्वामुन स्टेसन गेट नं 9 मा दिनको २ बजे सहभागी भई दिनु हुन हार्दिक अनुरोध गरेको छ ।
बिश्वको प्रवासी मजदुरहरुलाई साधारण कामदारको रुपमा मात्र नलिएर त्यो देशको मजदुर सरह समान अधिकार दिनु पर्छ भन्ने कुरालाई जोड दिदै सन २००२ डिसेम्बर ४ तारिक संयुतराष्टसंघले प्रत्येक बर्ष डिसेम्बर १८ तारिक अन्तराष्ट्रिय प्रवासी मजदुर दिवसको घोषणा गरेको थियो। यसै अनुसार बिश्वभरिको प्रवासी मजदुरहरुले प्रत्यक बर्ष डिसेम्बर १८ तारीक अन्तराष्ट्रिय प्रवासी मजदुर दिबस मनाउदै आईरहेका छन।
