मिलन किरातिको ‘ शँका नगर ..’ को म्युजिक भिडियो सार्बजनिक
फोनिज कोरिया सम्वाददाता
‘निभिजाने आगो जस्तो… ‘ गितले छोटो समयमै अपार सफल्ता पाएपछी कोरियामा रहदै आएका गितकार मिलन किरातिले आफ्नो अर्को गित ‘ शँका नगर ..’ को म्युजिक भिडियो सार्बजनिक गरेका छन ।
यस गितमा गायक सागर सन्सार राईको आवाज रहेको छ भने सङ्गीत कोरियामै रहेका सङ्गितकार डि.आर. अटु को रहेको छ ।
मिलन किरातीको अघिल्लो गित ‘निभिजाने आगो जस्तो… ‘ मा अहिलेकी अत्यन्त चर्चित गायिका मेलिना राईले स्वर भरेकी छिन । उक्त गीत हालै सम्पन्न मोफसलको सबै भन्दा ठूलो म्युजिक अवार्ड ” कालिका म्युजिक अवार्ड २०७३” मा उत्कृष्ठ शब्द रचनामा मनोनयन मा परेको थियो भने यसै गितको संगीतबाट सङ्गितकार राजकुमार बगर ले सर्बोत्कृस्ट सङ्गितकारको अवार्ड पाउन सफल भएका थिए ।
नेपाली गित सङ्गितको दुनियामा आफ्नो छुट्टै पहिचान बनाउन सङ्घर्सरत गितकार मिलन किराती आफ्नो शब्द रचना मोफसलको सबैभन्दा ठुलो र प्रतिष्ठित कालिका म्युजिक अवार्डमा नोमिनेसनमा पर्नुलाई छोटो समय मा पाएको ठूलो उपलब्धी ठान्छन ।
कोरियाका पन्ध्र जना श्रस्टाहरुको सामुहिक एल्बम “सहयात्रा” मा समेटिएको ‘ शँका नगर ..’ गितमा गायन बिधामा थुप्रै रास्टृय अवार्ड जितिसकेका गायक सागर सन्सार राई र अहिले सर्बाधिक रुचाइएका सङ्गितकार डि आर अटु ( जो अहिले बिन्धबासिनी म्युजिक अवार्ड को सर्बोतकृस्ट सङ्गितकारमा मनोनयनमा परेका छन) को मीठो सङ्गीत रहेकोले पनि दर्शक श्रोताले रुचाइदिनेकुरामा गितकार किराती बिश्वस्त छन ।
गित लेख्दा सङ्ख्यात्मक भन्दा गुणात्मक पक्षलाई ध्यान दिनु पर्छ भन्ने किरातिका अन्य केहि गितहरु पनि रेकर्डिङको प्रकृयामा रहेका छन ।