पूर्व राज्यमन्त्री तथा जनजाति अभियन्ता लिम्बुको दुर्घटनामा निधन
फोनिज कोरिया संवादाता
काठमाण्डौ
पूर्व अर्थ राज्य मन्त्री तथा आदिवासी जनजाति नेता हरिराज खेवा लिम्बुको जुलाई २८ तारिख बस दुर्घटनामा परी निधन भएको छ । उनको धनकुटा जिल्लाबाट धरान तर्फ आउदै गरेको बस धनकुटाको सिदुवा बजार नजिकै दुर्घटना हुदाँ निधन भएको हो । उनी संगै बस चालक सहित १४ जनाको मृत्यु भएको छ भने ५० जना जति घाइते भएका छन्
लिम्बू धर्म, भाषा, साहित्य र संस्कृतीका ज्ञाता मानिने लिम्बुको निधनले आदिवासी जनजाति क्षेत्रमा निकै क्षति पुगेको भन्दै यस समुदायले दुख व्यक्त गरेका छन् । साथै धनकुटा समाज कोरिया शाखाले पनि शोक व्यक्त गरेका छन् ।
धनकुटा हात्तिखर्क ६ मा जन्मीएका लिम्बु २०४२ सालदेखि दिद्यालयको अनेरास्ववियुको प्रारम्भिक कमिटीको सदस्य भएर राजनीति शुरु गरेका थिए । ४८ वर्षको उमेर निधन भएका लिम्बु २०४७ देखि २०५४ सालसम्म शिक्षक रहेका थिए । त्यसपछि उनी गाविस अध्यक्ष बनेका थिए ।
धनकुटा क्षेत्र न. २ बाट पहिलो संविधानसभाको निर्वाचनमा माओवादी पार्टीबाट १२ हजार २ सय ९९ मत प्राप्त गरी विजयी भएका थिए । । २०६८ सालमा डा. बाबुराम भट्टराईको नेतृत्वको सरकारमा उनी पूर्व अर्थ राज्यमन्त्री बनेका थिए । धनकुटा माओवादी जिल्ला इन्चार्ज र संयोजक समाल्दै आएका मृतक लिम्बु लिम्बु पार्टी एकता भेलाको तयारीको लागि गाउँ गएका थिए । उनका श्रीमति तथा ७ र ११ वर्षका छोरीहरु छन् ।
गुडिरहेको बसको अचानक ब्रेक फेल भएपछि ३ सय मिटर जति गुडेर बस बाटोबाट दुई सय मिटर तल खसेको थियो । बसको छाना नै उडेका थिए । घाइतेहरुलाई नजिकैको अस्पताल पुराएका थिए भने कसैको अस्पताल पुग्न साथ निधन भएको थियो ।
