भोजपुर परिवार दक्षिण कोरियाको दशौँ अधिवेशन मे ५ मा हुने

भोजपुर परिवार दक्षिण कोरियाले आगामी मे ५ तारिख आइतवार दशौँ अधिवेशन गर्ने भएको छ।

अध्यक्ष सुमन्त मगरले मे २, २०२१ मा सम्पन्न नवौँ अधिबेशनद्धारा निर्वाचित कार्यसमितिको कार्यावधी सकिएपछी नयाँ कार्यसमिति निर्वाचित गर्नका लागि अधिबेशनको आयोजना गरिएको जानकारी गराए। Nik Travels Nepal दोङ्देमुनको सभाहलमा आयोजना गरिएको अधिबेशनका क्रममा संस्थाले प्रकाशन गरेको पुस्तक “भोजपुर सन्देश” को बिमोचन समेत गरिने कुरा अध्यक्ष मगरले बताए। भोजपुरका नौ वटै स्थानिय तहहरुको सामान्य परिचय तथा उपलब्ध भएसम्म भोजपुरबाट आई दक्षिण कोरियामा कार्यरत नेपाली श्रमिकहरुको बिबरण समेटिएको सो पुस्तक भोजपुरका बारे चासो राख्ने तथा खास गरि भोजपुरको पर्यटकिय स्थलहरुको जानकारी चाहनेहरुका लागि सहयोगी रहने सो पुस्तक प्रकाशनको उद्देस्य नै भोजपुरलाई गैर भोजपुरे नेपालिहरुका बिच चिनाउने कोसिस रहेको संस्थाका कोषाध्यक्ष डिबि राईले बताए।

सन् २००५ मा स्थापित भोजपुर परिवार दक्षिण कोरियाले दक्षिण कोरियामा विभिन्न समयमा विभिन्न दुर्घट्नामा परि अंगभंग भएका तथा मृत्यूबरण गर्न पुगेका भोजपुरेहरुलाई उद्धार तथा आर्थिक सहायता प्रदान गर्दै आईरहेको छ भने, विभिन्न समयमा च्यारिटिका कामहरु समेत गर्दै आईरहेको छ। भोजपुर जिल्लाको एक मात्र सुस्त श्रवण बिद्यालय “भोजपुर बहिरा आवासीय आधारभुत विद्यालय” मा करिव ५ लाख रुपैँयाको अक्षयकोष स्थापना गरेको छ भने संस्था आफैले पनि एउटा आपतकालिन सहायता कोषको निर्माण गरि संचालन गरिरहेको छ।

“यो कार्यसमिती कोरोना महामारिका बिच निर्वाचित भयो, आधाउधी समय त्यही महामारिको ‘लकडाउन’ ले खायो। त्यसले गर्दा पनि ठोस कामहरु गर्न सकिएन। अब बन्ने नयाँ कार्य समितिले चाहिँ संस्थाले चाहेर पनि गर्न नसकेका थुप्रै कामहरु छन्, तिनलाई पुर्णता दिनेछ भन्ने बिस्वास छ।” कार्यकालको अन्त्यतिर रहेका अध्यक्ष मगरले नयाँ कार्यसमिति प्रती आशा ब्यक्त गरे।