कास्की परिवार कोरियाको बृहत भेला हुने

सुरज गुरुङ

कास्की परिवार दक्षिण कोरियाले यही १७ तारिक आईतबार बृहत भेलाको आयोजना गर्ने भएको छ । गत आईताबार १० तारिकका दिन तनहुं सम्पर्क समितिले आयोजना गरेको भलिबल खेल मैदानमा बसेको कास्की परिवारको बैठकले सो निर्णय गरेको हो । उक्त दिन कास्की परिवारको भावी योजनाहरु बारे र बिभिन्न विषयहरुमा छलफल गर्नु पर्ने भएकोले सम्पूर्ण कोरियाबासी कास्केलीहरुलाई उपस्थित भईदिनुहुन कास्की परिवारले हार्दिक अनुरोध गरेको छ ।

तनहुं सम्पर्क समिति द. कोरियाले गत १० तारिक आयोजना गरेको प्रतिप्रधात्मक दोश्रो भानुभक्त स्मृति भलिबल रनिङ्ग कप प्रतियोगितामा कास्की परिवार दोश्रो हुन सफल भएको छ । कास्की परिवारले शक्तिशाली टिमहरु मेचि-महाकाली, नेपाल मगर संघ र बाग्लुङ्ग सम्पर्क समितिलाई पछि पार्दै अन्तिम चरणमा प्रवेश गरेको थियो । अन्तिम चरणमा स्याङ्गजा परिवारसंग अतिनै प्रतिस्पर्धी खेल खेल्दै २–१ को स्कोरमा दाश्रो हुन सफल भएको हो । यसरी कास्की परिवारलाई दोश्रो स्थान सम्म पुर्‍याउने भलिबल टिमका सम्पूर्ण खेलाडीहरुलाई कास्केलीहरुले हार्दिक धन्यवाद तथा शुभकामना व्यक्त गरेको छ ।

बृहत भेला हुने
स्थान: नेपाल हाउस (ओन्नाम दोङ्ग सागोरी)
मिति: २०१५ मे १७
समय: दिनको १ बजे देखी