बिदा पहल गरिदिन अनुरोध नै आएन-दूतावास
लिलु डुम्रे
सोल-भूकम्पबाट पिडित आफ्ना परिवारलाई भेट्न बिदामा नेपाल फर्कन कामदारले नपाएको अवस्थामा सहजीकरण गरि बिदा मिलाइदिन दुतावासले गरेको सहयोग कार्यका लागि कामदारहरु मार्फत हालसम्म आग्रह नगरिएको दुतावासले स्पष्ट पारेको छ ।
दुतावासले भूकम्पबाट पिडित आफ्ना परिवारसंग भेट्न नेपाल फर्कन कम्पनिहरुसंग समन्वय गरि बिदा मिलाइदिन लागेको थियो । परिवारमा मृत्यु भएको अवस्थामा परम्परागत रितिथिति गर्नका लागि बिदा नमिलेको भएमा दुतावासमा सम्पर्क गर्न कामदारहरुलाइ सुचित गरिएको हो ।
कोरियाको विदेश मन्त्रालयका अधिकारीसंग नेपाली कामदारका लागि बिदा मिलाईदिन औपचारिक आग्रह गरिएकोमा सकरात्मक प्रतिक्रिया पाएको दुतावासका उपनियोग प्रमुख राजाराम बर्तौलालै जानकारी दिए । विदेश मन्त्रालयका अधिकारीले साना तथा मझौला उद्योग मन्त्रालयमा तत्काल परिपत्र गर्ने नेपाली दुतावासलाइ गत साता बिस्वस्त पारेको थियो । नेपाली कामदारहरु साना तथा मझौला उद्योग मन्त्रालयको मातहत रहने कम्पनीहरुमा कार्यरत रहेका हुन्छन ।
केहि युवाहरु भूकम्प पश्चात आफ्नै पहलमा आफन्त भेट्न नेपाल पुगेका छन् । दुतावासले दिएको जानकारी अनुसार हालसम्म बिदाको लागि पहल गरिदिन दुतावासमा कामदारहरुद्वारा अनुरोध गर्न गरिएको छैन । श्रम मन्त्रालयले परराष्ट्र मार्फत आफन्त मृत्यु भइ नेपाल फर्कन चाहने कामदारहरुको बारेमा दुतावाससंग जानकारी मागेको थियो । नेपाल फर्कन समस्यामा परेको कामदार हालसम्म नरहेको जानकारी परराष्ट्र मन्त्रालयलाई गराईएको श्रम सहचारी अनिल गुरुङ बताए ।
केहि नेपाली युवा उद्धार तथा राहतमा खट्ने गरि नेपाल पुगेका छन् । यौंग स्टार फाउन्डेसनले आफ्ना केहि सदस्य भूकम्पले बढी प्रभावित काभ्रे र सिन्धुपाल्चोकमा खटिएको सस्थाका सल्लाहकार यम श्रेष्ठले जानकारी गराए । २८ हजारको संग्ख्यामा रहेका नेपाली कामदारमा अधिकांश भूकम्पबाट प्रभावित परिवारका रहेका छन् । परिवार र आफन्तमा मृत्यु तथा भौतिक सम्पति क्षति भएको परिवारका सदस्य यहाँ रहेपनि नेपाल बिदामा नगएको गोरखा परिवार समाजका अध्यक्ष राजेन्द्र श्रेष्ठले जानकारी गराए ।
