मकवानपुर कोरियाद्वारा राहत सामग्री बितरण
फोनिज कोरिया संवाददाता
सोल- मकवानपुर कोरिया मन्चद्वारा संकलन गरिएको रकमले मकवानपुरको बिभिन्न गाविसमा राहत वितरण गरिएको थियो | गतहप्ता शनिबार गएको बिनासकारी महाभुकम्पद्वारा पीड़ितहरुलाई मंगलबार जिल्लाको निबुवाटार गाबिसमा ५० थान त्रिपाल र मनहरि गाबिसका परिवारहरुलाई ६५थान त्रिपाल,६५थान प्लास्टिकको गुन्द्रि,७०थान टर्च लाइट,६५कार्टून चाउचाउ र ६५ प्याकेट बिस्कुट बितरण गरिएको थियो |
करिब १ लाख बराबरको राहत सामग्री एक कार्यक्रमबिच बिभिन्न संघ सस्था,राजनैतिक दल,सुरक्षादल र सम्बंधित गाबिस सचिबको रोहबरमा बितरण गरिएको थियो |
सो कार्यक्रममा मकवानपुर कोरिया मन्चका पूर्ब पधाधिकारी दुर्गा दाहाल,कपिल बानिया,कृष्ण ढुंगाना र यादब श्रेष्ठ लगायतका पदाधिकारीहरुको उपस्थित रहेको थियो | आउदो सनीबार भुकम्प ग्रस्त क्षेत्र नामटार गाबिसमा हेल्थ क्याम्पको आयोजना गर्ने तैयारी भैरहेको मन्चका पूर्ब अध्यक्षले बताए |
उक्त कार्यक्रममा मकवानपुर उद्योग बाणिज्य संघ,मकवानपुर र आरिरांङ ल्याङग्वेज सेन्टर,हेटौडाको संयोजन रहेको मकवानपुर कोरिया मन्चका पूर्ब अध्यक्ष रमेश उप्रेतीले बताए |
