दुताबासको रकम परराष्ट्र मन्त्रालयले रोक्यो
सोल -लगानी प्रवर्धनका लागि दक्षिण कोरियास्थित नेपाली दुतावासले गर्न लागेको सेमिनारका लागि अर्थ मन्त्रालयले निकासा गरेको बजेट परराष्ट्र मन्त्रालयले रोकीदिएको दूतावास स्रोतले बताएको छ ।
सोल स्थित होटेल लोट्टेमा गर्न लागेको सेमिनारका लागि अर्थमन्त्रालयले निकासा गरेको सात लाख रुपयाँ परराष्ट्रले रोकिदिदा तयारीमा व्यवधान आएको स्रोतको गुनासो छ । भूकम्प पश्चात नेपालको अवस्था र जलस्रोतमा लगानी बिषयक सेमिनार दुतावासले आयोजना गर्न लागेको छ ।
आगामी बुधबार तय गरिएको एक दिने सेमिनारमा नेपालको बर्तमान अवस्थाको जानकारीका साथै जलस्रोतमा बिदेशी लगानीका लागि सरकारी योजना र नीति बारे जानकारी गराउने उद्धेश्य रहेको कोरियाका लागि नेपाली राजदुत कमानसिंग लामाले जानकारी गराए । जलस्रोतलाइ मुख्य बिषय बनाइएको सेमिनारमा पर्यटन ,कृषि उद्योग लगायतका बिषयमा पनि छलफल गरिने लामाले बताए ।
नेपालका तर्फबाट तिन र कोरियनका तर्फबाट तिन कार्यपत्र सेमिनारमा प्रस्तुत गरिने छ । सेमिनारका लागि प्रमुख अतिथिका रुपमा एमाओवादी उपाध्यक्ष तथा विदेश बिभाग प्रमुख नारायणकाजी श्रेष्ठ कोरिया आउने छन । लगानी बोर्ड कार्यकारी प्रमुख राधेश पन्त , उर्जा मन्त्रालयका सह सचिव र नेपाल बिधुत प्राधिकरण व्यापार शाखाका निर्देशकले सेमिनारमा बिषयगत कार्यपत्र प्रस्तुत गर्नेछन । दुइ चरणमा गरिने सेमिनारको पहिलो चरण स्वागत र परिचयात्मक हुनेछ ।
कार्यक्रमको दोश्रो सेसनमा नेपालका जलाशय युक्त आयोजनाहरुमा लगानीका सम्भावनाहरु र दिगो विकास बिषयमा लगानी बोर्डका कार्यकारी प्रमुख राधेश पन्तले कार्यपत्र प्रस्तुत गर्नेछन भने कोरियन कम्पनी ओसीआइका प्रतिनिधिले उर्जाका लागि लगानी आकर्षित वातावारण बिषयमा आफ्ना विचार राख्नेछन । अर्थ मन्त्रालयका प्रतिनिधिले जलस्रोतमा नेपाल र दिगो बिकाशमा लगानीकर्ताको धारणा बिषयमा कार्यपत्र प्रस्तुत गर्नेछन ।
त्यसै गरि अन्तराष्ट्रिय गैर सरकारी संस्था कोइकाका प्रतिनिधिले नेपालको बिकाशका लागि कोरियाको सहकार्य ः बर्तमान अवस्था र भविष्यको सम्भाव्याता बारेमा कार्यपत्र प्रस्तुत गर्नेछन । नेपाल बिधुत प्राधिकरण व्यापार शाखा प्रमुखले नेपालमा हाईड्रोपावरमा लगानीका प्रक्रिया र अवसर बारेमा बोल्नेछन ।
जलस्रोत व्यवस्थापनमा वित्तीयकरण र उर्जा मैत्री बातावरण बिषयमा जीजीजी आईका प्रतिनिधिले कार्यपत्र प्रस्तुत गर्नेछन । प्रस्तुत गरिएका सबै कार्यपत्र माथि दुवै पक्षबाट छलफल गरिने छ ।
अन्तराष्ट्रिय क्षेत्रमा भूकम्प पश्चात नेपाल बिग्रीएको ,तहसनहस भएको नकारात्मक खबर बढी प्रसारित भएकोले नेपालको बर्तमान अवस्था जानकारी गराउन साथै लगानीको बातावरण अनुकुल रहेको प्रष्ट पार्न सेमिनार आयोजना गरिएको राजदुत लामाले बताए ।
