मगर सङ्घ कोरियाले मगर दिवस, बार्षिक साधारण भेला र सम्मान कार्यक्रम गर्ने
सौल -सुब्बा राना
नेपाल मगर सङ्घ, दक्षिण कोरियाले यही फेब्रुअरी २८ तारिख आइतबारको दिन मगर दिवस मनाउने भएको छ । उक्त दिन संघको बार्षिक भेला तथा सम्मान कार्यक्रम पनि राखिएको कुरा सङ्घका अध्यक्ष खड्ग थापा मगरले जानकारी दिएका छन् । विशेषत: कोरियामा रहेका सम्पुर्ण मगरहरुको हकहित, मगर भाषा,कला सँस्कृतीको जगेर्ना गर्ने उद्देश्यले स्थापना गरिएको यस सँस्थाको बेग्लै पहिचान रहेको कुरा सँरक्षक अप्त पुनमगरले जानकारी दिएका छन् ।
मगर संघ कोरियाको बार्षिक भेलामा बार्षिक प्रतिबेदन,भावी योजना , आर्थिक प्रतिबेदन प्रस्तुत गर्ने त्यसको साथै कार्यसमितिको सदस्य परिपुर्ती गर्ने ,संघलाई विशेष सहयोग गर्ने मगर तथा गैर मगर समाजसेवी कलाकार,खेलाडी,पत्रकार महानुभाबहरुलाइ विशेष सम्मान गर्ने कार्यक्रम पनि रहेको कुरा संघका उपाध्यक्ष बिक्रम राना मगरले बताएका छन् । दक्षिण कोरियामा विभिन्न उद्देश्यले पाल्नु भएका सम्पुर्ण मगर दाजुभाइ हरुलाइ उक्त फेब्रुअरी २८ तारिखको दिन उपस्थित भइ कार्यक्रम सफल बनाइदिनुहुन नेपाल मगर संघ दक्षिण कोरियाले हार्दिक निमन्त्रणा गरेको छ ।
कार्यक्रम हुने स्थान : नेपाल हाउस , सिन्छलदोङ्ग
मिति:२०१६/२/२८
समय : दिनको ठिक ११ बजे बाट
