कोरियामा तमु ल्होसार आयोजक समिति गठन

धन गुरुङ

सोल, तमु समुदायको महान पर्व तमु ल्होसार/ ल्होछार भब्य रुपमा सम्पन्न पार्न तमु धीँका अध्यक्ष प्रदीप तमुको संयोजकत्वमा तमु ल्होसार मुल आयोजक समिति गठन गरिएको छ । गत आइतबार धीँका अध्यक्ष प्रदीप तमुको अध्यक्षतामा सम्पन्न नयाँ कार्यसमितिको दोस्रो बैठक साथै बृहत तमु भेलाले सदाको वर्षहरुमा झैँ यसवर्ष पनि ल्होसारलाई भब्य र ब्यवस्थित रुपमा सम्पन्न गर्न मुल आयोजक कमिटीको साथै विभिन्न उप समितिहरु गठन गरेको हो ।

बिशेषगरी गुरुङ ( तमु) समुदायमा पौष १५को दिनमा ल्होसार मनाउँदै आए तापनि कोरियामा भने जनवरीको ३ तारिख पहिलो आइतबार मनाउन लागेको हो । गत आइतबार ६ डिसेम्बरको दिनमा योङ्दाप स्थित धीँको कार्यालयमा भएको बृहत तमु भेलाले पारित गरेको निर्णयअनुसार धीँका अध्यक्ष प्रदीप तमुको अध्यक्षतामा वर्तमान कार्यसमिति र सल्लाहकार समितिका सम्पुर्ण पदाधिकारीहरु मुल आयोजक समितिका सदस्य रहनेछ ।साथै अन्य सदस्यहरुमा सल्लाहकार गुप्त तमु र सदस्यहरु सन्तोष, मुकेश, बेल, सपना, लक्ष्मी, शान्ति, गिता, अनिता, सुरज, कुमार, एक बहादुर, सुष्मा, लक्ष्मण, दल बहादुर, विशाल र गोलमान तमु रहेका छन ।

ल्होसारमा प्रस्तुत गरिने साँस्कृतिक प्रस्तुतिहरुको जिम्मा सतिश गुरुङ ( स्याङ्जा) लाई तोक्ने निर्णय गरेको छ भने खाना ब्यवस्थापनको लागी संयोजकमा क्षेत्र तमु र सदस्यहरुमा दल बहादुर र गोलमान तमु रहेको छ । आर्थिक संकलन गर्न कोषाध्यक्ष अनु तमुको संयोजक, सदस्यहरु ममिता तमु र टोप बहादुर तमु र स्वयंसेवक परिचालन गर्न सदस्य देवी घले तमुको संयोजकमा स्वयंसेवक परिचालन समिति गठन गरेको छ भने प्रचारप्रसारको जिम्मा महासचिव श्रीराम तमु र सचिव हिमांशु तमु दिएको छ ।

त्यस्तै नेपाली दूतावास दक्षिण कोरियाका श्रम सहचारी अनिल तमु कार्यअवधि सम्पन्न गरी जनवरी दोस्रो साता नेपाल फिर्ता हुन लाग्नु भएको हुँदा उहाँलाई भब्यरुपमा सम्मान तथा बिदाई गर्न धीँका वरिष्ठ उपाध्यक्ष प्रितम तमुको संयोजकमा उपाध्यक्ष रीता तमु र संगठन सचिव सुनिल तमु सदस्य रहने गरि सम्मान तथा बिदाई कार्यक्रम ब्यवस्थापन उपसमिति पनि गठन गरेको छ । दक्षिण कोरियामा रहँदा नेपाली समुदायमा अन्त्यन्त लोकप्रिय रहनुभएका श्रम सहचारी तमुले सम्पुर्ण नेपालीहरुको दुखपिडाहरुसंग मुकाबिला गर्दै नेपालीहरुमा आईपर्ने जस्तोसुकै समस्याहरुलाई नजिकबाट नियालेर समाधान गर्नुभएको थियो । साथै उक्त दिन अरु संघसंस्थाहरुले पनि श्रमसहचारी तमुलाई सम्मान तथा बिदाई गर्न ईच्छुक भए वरिष्ठ उपाध्यक्ष प्रितम तमुलाई सम्पर्क गर्न अनुरोध गरिएको छ ।

कोरियामा ल्होसार/ ल्होछार लाई सभ्य र भब्यरुपमा सम्पन्न गराउनको लागि कोरियामा रहनुभएका सम्पुर्ण तमु दाजुभाई दिदिबहिनीहरुलाई आ-आफ्नो क्षेत्र बाट सहयोग गरिदिनुहुन धीँका अध्यक्ष प्रदिप तमुले सबैलाई आग्रह गर्नुभएको छ साथै उक्त दिन कुनै संघसंस्थाले कार्यक्रम नजुधाई दिन तमु धीँ दक्षिण कोरियाले कोरियामा सक्रिय सम्पुर्ण संघसंस्थाहरुलाई अनुरोध गरेको छ ।

श्रम सहचारी अनिल तमुलाई सम्मान गर्न ईच्छुक संस्थाको लागि सम्पर्क

 वरिष्ठ उपाध्यक्ष प्रितम तमु

01034635532