भूकम्प पिडितलाई सहयोग गर्न जनजाती महासंघ कोरियाको अपिल
फोनिज कोरिया सम्वादाता
सउल ः यतिखेर देश पुरै शोकमा डुबेको छ । शनिबार आएको महाभूकम्पका कारण सयौं व्यक्तिहरुले ज्यान गुमाएका छन् भने ठुलो जनधनको क्षति भएको छ । यस्तो दैविप्रकोपबाट ग्रस्त नेपालका लागि विभिन्न राष्टहरुबाट सहयोग समेत प्राप्त भइराखेको छ भने विभिन्न मुलुकमा छरिएर रहेका नेपालीहरुले पनि सहयोग अभियान सुरु गर्न थालेका छन् ।
यसै क्रममा आदिवासी, जनजाति महासंघ दक्षिण कोरियाले पनि भूकम्प पिडितलाई सहयोग गर्न सम्पूर्ण कोरियावासी नेपालीहरुमा अपिल गरेको छ । २५ तारिख शनिबार नेपालको बिभिन्न स्थानलाई केन्द्र बिन्दु बनाएर गएको महाभूकम्पले पुराएको अतुलनीय मानबिय र भौतिक क्षतिले अति दुखित भएको नेपाल आदिवासी जनजाति महासंघ दक्षिण कोरियाका अध्यक्ष भक्त शेरचनले बताएका छन् । उनले यस किसिमको राष्ट्रिय बिपत्तिमा सहयोग, उद्दार र राहत पुराउने हामी देश बिदेशमा रहेका नेपालीहरुको कर्तब्य रहेको बताउदै महासंघको तर्फबाट एक अपिल जारी गरेका छन् ।
अपिलमा अहिलेसम्म भएको मानबिय र भौतिक क्षतिको पूर्ण विवरण आई नसकेको भए पनि नेपाल सरकारले उद्दार गर्दै सहयोग गर्न आव्हान गरिरहेको छ । तसर्थ कोरिया बासी सबै नेपालीहरुले सक्दो सहयोग गरिदिनु हुन नेपाल आदिबासी जनजाती महासंग कोरियाले हार्दिक अनुरोध गरेको छ । महासंघका अध्यक्ष शेरचनले यो प्राकृतिक विपत्ति शक्तिशालि भूकम्पमा परि संकट कालिन अबस्थामा रहेका हाम्रा नेपाली दाजुभाई तथा दिदि बहिनिहरुमा धैय धारण गर्ने शक्ति मिलोश भन्ने कामना गर्दछौ साथै घाइते भएका महानुभाबहरुमा शिघ्र स्वास्थ्य लाभ र मृतक आत्मा प्रति चीर शान्तिको कामना गर्दछौं, भनेका छन् ।
