नेपालीको एकता, अहिलेको आवश्यकता

साजन शर्मा
मेरो प्यारो सुन्दर देश नेपाल बहुजाती, बहुभाषा बहुधर्म र बहु संस्कृतिले भरिएको देश हो | संसारको मान चित्रमा नेपाल शान्तिका प्रतीक गौतम बुद्धको जन्मभुमि भनेर अंकित रहेको छ | तर कहिले त्यहि बुद्धलाई हाम्रो भनेपछि बिगत केही बर्षदेखि यो भ्रम हटाउने अभियान चलाउनु परेको छ | यसै अन्तर्गत हामिले शान्तिका दुत भगवान बुद्ध  नेपालमा जन्मेका हुन भनेर बिश्व लाई भ्रम मुक्त बानाउन अभियान चलायौं |

अहिले संसारका धेरै  मान्छेले शान्तिका दूत कहाँ जन्मिएको भनेर सोध्दा नेपाल भनेर भन्छ्न तर आज त्यहि  शान्तीको प्रतीक भएको  देशमा अशान्ती  छ । नेपाली आमाका दाजुभाइ आमाको कोमल शरीर माथी हारालुछ गरिरहेका छ्न । कोहि  तराइ कोहि पहाड कोहि  हिमाल भनिरहेका छन् | लाग्छ अंश  पाउन कुनै बाबुको छोराहरु बीच हानाहान र हारालुछ भै रहेको छ |
रामायणमा रावणसंग  सुनकै देश भगवान राम भन्दा धेरै सैनिक धेरै बलवान् हुदाहुदै पनि आफ्ना भाइले साथ नदिदा पराजित हुन गयो भन्छ्न त्यसरीनै हाम्रो अहिलेको आवश्यकता नै नेपाली भाइभाइ बिच एकता हो । जबसम्म हामी एक छौ भारत त के कसैले पनि हाम्रो स्वाभिमानलाई मिच्न सक्दैन । ए मेरा दाजुभाइ हो हामी न फुटौ अहिले हामी लाई एकताको खाचो छ । हामी जातीय कुरा नगरौ हाम्रो जात नेपाली हो,हामी राज्यको कुरा नगरौ हाम्रो रास्ट्र नेपाल हो । हिजो भर्खर नेपालमा महा भुकम्प गयो हामी नै एक अर्काको सहारा थियो, म बिर्सिन सक्दिन त्यो क्षणहरु |
कालो दिन जस्ले मेरो सुन्दर देश नेपाल लाई अँध्यारोमा पारी रगतको आँसु झार्न बाध्य बनायो । त्यो विनाशकारी भुकम्पले पनि हामी नेपाली दाजु भाइको सम्बन्ध  र माया झन गाढा बनाएको  छ । हामी जुनसुकै जातीको भए पनि तराई पहाड हिमाल जहाँ को भए  पनि हामी हाम्रो प्यारो देश नेपाललाई माया गर्छौ र हामी फेरि देश बिदेशबाट एकजुट भै उठ्ने छौ ।
हिजो हामी शान्तिका दूत  बुद्ध नेपालमा जन्मेको हो भनेर चिनाएका थियौं  अझै पनि हामी जुट्नुको सट्टा फुट्यौं भने देशमा अशान्ति भो भने   स्वयम भगवान बुद्ध पनि एक पटक सोच्न बाध्य हुने छ्न कि मेरो जन्म स्थान नेपाल हो कि भनेर ..??
शर्मा एनआरएन कोरियाका युवा प्रतिनीधि हुन् |