ईपिएस मजदुरलाई जलविद्युतमा लगानीको अवसर जुटाउने उदेश्यका साथ् बैदेशिक रोजगार बिभागले माग्यो सुझाव
सोल – रोजगारीको सिलसिलामा दक्षिण कोरियामा कार्यरत र कोरियाबाट फर्केका नेपालीहरुलाई जलविद्युत परियोजना निर्माणमा लगानीको अवसर जुट्ने भएको छ । इपीएस कोरिया शाखाको समन्वयमा उनीहरुको प्रत्यक्ष लगानीमा जलविद्युत परियोजना निर्माणको अवधारणा अघि बढाइए पछि लगानीको अवसर जुटने छ ।
पहिलो चरणअन्तर्गत कोरिया शाखाले कोरिया रिटर्नीको प्रत्यक्ष लगानीमा विद्युत उत्पादन परियाजनाको सम्भाव्यताका लागि सरोकारवालासँग सुझाव मागेको छ । जलविद्युत उत्पादनको सम्भावना हुँदाहुँदै मागनुसारको उत्पादन र आपूर्ति हुन नसक्दा मुलुकले गमभीर ऊर्जा अभाव झेल्नु परेको भन्दै कोरियामा कार्यरत र काम गरी फर्केकाहरुसँग रहेको पूँजी, शीप र अनुभवलाई जलविद्युत उत्पदानमा लगानी गर्न पहल थालिएको शाखाका निर्देशक डिल्लीराम बास्तोलाले बताए ।
बैदेशिक रोजगार बिभाग ईपिएस शाखा ग्वार्को ललितपुरले मागेको सुझाव :-
कोरिया रिटर्नीहरुको प्रत्यक्ष लगानीमा जलबिद्युत परियोजना निर्माण संभाव्यता सम्वन्धमा सुझाव उपलव्ध गराइदिने बारेको सूचना
राज्यले बिद्युत उत्पादन, प्रशारण तथा वितरणमा स्वदेशी तथा विदेशी लगानी प्रवद्र्धन गर्ने उद्देश्यले विभिन्न नीतिगत एवं संस्थागत व्यवस्था गरेको छ । साथै आयोजना प्रवर्धकहरुलाई विभिन्न प्रकारका सुविधाहरु प्रदान गर्दै आएको छ ।
देशमा प्रचुर मात्रामा जलबिद्युत उत्पादनको संभावन हुँदाहुँदै पनि पर्याप्त मात्रामा बिद्युत उत्पादन गरी माग अनुसारको आपूर्ति गर्न नसक्दा मुलुकले गंभिर उर्जा अभाव झेल्नु परिरहेको छ । वर्तमान समयमा उर्जा अभावले समग्र राष्ट्रिय जीवनमा गंभिर नकरात्मक प्रभाव परेको सर्वत्र महशुस भएकै छ ।
उल्लेखित सन्दर्भमा गणतन्त्र कोरियामा कार्यरत र काम गरी फर्केका उत्साही राष्ट्रप्रेमी युवाहरुले विभिन्न सन्दर्भमा लगानी मैत्री वातावरण र आवश्यक समन्वयका लागि गरेको अनुरोधलाई ध्यानमा राखी उनीहरुसँग रहेको पुँजी ,सीप र अनुभवलाई जलबिद्युत जस्तो उच्च प्रतिफलयुक्त क्षेत्रमा आर्कर्षित गरी रोजगारी सिर्जना ,आयआर्जनमा टेवा पुर्याउने उद्देश्यले सानो जलबिद्युत आयोजना (२ देखि १० मेघावाट सम्मको ) पहिचान गरी वैदेशिक रोजगार आर्जित विपे्रषण सम्बद्घ नमुना परियोजना निर्माण गर्नका लागि यस कार्यालयबाट श्रम तथा रोजगार मन्त्रालय तथा सरकारका अन्य सम्बद्घ निकायसँग समन्वय गरी सहयोग पुर्याउने सोच भएकोले त्यस्तो उपयुक्त परियोजनामा लगानी गर्न वा व्यवस्थापन कार्यमा सहयोग गर्न इच्छुक कोरियाबाट फर्केका वा कार्यरत कामदारहरुको फोरम निर्माण गरी त्यस्तो फोरम मार्फत परियोजना पहिचान तथा विश्लेषण गरी परियोजनाको संचालन तथा व्यवस्थापन गर्दा के कस्तो होला, त्यस्तो परियोजनाका लागि श्रोत व्यवस्थापन के कसरी गर्न सकिएला भन्ने सन्दर्भमा अविलम्व रचनात्मक सुझाव उपलव्ध गराइ दिनु हुन ई.पी.एस. कोरिया शाखा विनम्र अनुरोध गर्दछ ।
ई.पी.एस. कोरिया शाखा आफैँ त्यस्तो परियोजना संचालनमा प्रत्यक्ष संलग्न हुने होइन , सम्बद्ध पक्षबीच फोरम निर्माण गर्न सघाउने , त्यस्तो फोरमले आयोजना गर्ने छलफल कार्यक्रममा सहजीकरण गर्ने गराउने ,त्यस्तो फोरमले गरेको निर्णय कार्यान्वयनमा आवश्यक संस्थागत संरचना तथा बैधानिक प्रकृया मस्यौदामा सहयोग गर्न सम्बन्धित सरकारी, गैरसरकारी निकायहरुसंग समन्वय गर्दै एउटा वैदेशिक रोजगार सम्बद्घ नमुना परियोजनाको रुपमा त्यस्तो परियोजना कार्यान्वयनमा उत्पे्ररित गर्र्नेे सोच रहेको व्यहोरा अनुरोध छ । प्राप्त सुझावको विश्लेषण गरी छिट्टै थप गृहकार्य गरिने व्यहोरा समेत अनुरोध छ ।
सुझावको लागि ठेगाना :-
वैदेशिक रोजगार विभाग, ई.पी.एस.कोरिया शाखा ,ग्वार्को ललितपुर ।
email : [email protected]
