एनसीसी कोरियाको १९ औँ महाधिवेशन मार्च १५ मा गर्ने
दक्षिण कोरिया । नेपाली सम्पर्क समिति (NCC) दक्षिण कोरियाको १९ औँ महाधिवेशन मार्च १५ आइतबार हुने भएको छ । गत हप्ता (जनवरी २४) कार्यसमिति, सल्लाहकार र संरक्षकसमेतको बसेको बैठकले महाधिवेशनको मिति तोकेको महासचिव दिपक थापा मगरले बताए ।
दक्षिण कोरियाको दोङ्देमुनस्थित निक नेपाल ट्राभलको हलमा संयुक्त बैठक सम्पन्न भएको थियो । बैठकले लोचन राईको निर्वाचन संयोजकत्वमा ५ सदस्यीय निर्वाचन मण्डल गठन गरेको बताएको छ । निर्वाचन संयोजक लोचन राईले मार्च १५ मै बन्दशत्र सुरु हुने र भोटिङ प्रक्रियामा पुगेमा मार्च २२ मा सम्पन्न गर्ने बताए । त्यस्तै निर्विरोध निर्वाचित भएमा पनि घोषणा मार्च २२ मै गर्ने उनले बताए ।
यसै गरी केन्द्रीय तथा क्षेत्रीय प्रतिनिधि छनोट प्रक्रिया २०२६ मार्च १ भित्र सम्पन्न गर्ने निर्णय बैठकले गरेको महासचिव मगरले जानकारी दिए । उनले अधिवेशनअघि नै सदस्यता कार्ड वितरण तथा सदस्य अभिलेख अद्यावधिक गर्ने बताए ।
बैठकमा सङ्गठनलाई थप व्यवस्थित, सुदृढ र प्रभावकारी बनाउँदै दक्षिण कोरियामा रहेका नेपाली समुदायको हक–हित, समस्या र अधिकारका विषयमा सक्रिय भूमिका निर्वाह गर्ने विषयमा समेत व्यापक छलफल बताए ।
१७ अगस्ट २०२५ मा भएको नेपाली सम्पर्क समितिको विधान संशोधन सम्बन्धी बृहत् भेलाबाट विधान संशोधन पास हुन नसकेपछि फेरी ४ जनवरी २०२६ को बृहत् भेलाले पास गरेको थियो । विधान पास भएसँगै महाधिवेशनको बाटो खुलेको एनसीसीका एक पदाधिकारीले बताए ।
