नेपाल भलिबल संघ दक्षिण कोरियाको नेतृत्वमा विरेन्द्र राहुँ मगर सर्वसम्मत
नेपाल भलिबल संघ दक्षिण कोरियाको चौथो अधिवेशन सम्पन्न भएको छ। अधिवेशनले सर्वसम्मत विरेन्द्र राहुं मगर लाई अध्यक्षमा चयन गरेको छ। आज सुवन स्थित भेटघट सभाहलमा नेपाली दूतावासका द्वितिय सचिव जेनिम अधिकारीको प्रमुख आतिथ्यमा अधिवेशन सम्पन्न भएको थियो।
नयाँ समितिको वरिष्ठ उपाध्यक्षमा अर्जुन थापा र नवीन कंडेल रहेका छन्। यसैगरी सचिवमा खिम खत्री चयन हुँदा महासचिव र कोषाध्यक्ष भने रिक्त रहेको छ। समितिको सदस्यहरू सोम छन्त्याल, सायल लिम्बु , ईलक दगामी मगर, नारायण पौडेल, भरत कुमार सारु , बल बहादुर थापा मगर, सन्तोष थापा र जितेन्द्र श्रेष्ठ रहेका छन्।
संघले कोरियामा भलिबल खेललाई व्यवस्थापन गर्दै नयाँ उचाइमा पुर्याएको छ। कार्यक्रममा विभिन्न संघसंस्थाका अध्यक्ष एवम प्रतिनिधिहरुको साथै खेलाडीहरुको उपस्थिति रहेको थियो।
