कोरियामा स्याङ्जा भिरकोट आठथर तमु समाजको ल्होसार कार्यक्रमसँगै छैठौं अधिवेशनबाट तोरन गुरुङको नेतृत्वमा कार्यसमिति चयन
स्याङ्जा भिरकोट आठथर तमु समाज दक्षिण कोरियाको ल्होसार तथा छैठौं अधिवेशन नेपाली थाई रेष्टुरेन्टको सभाहल दोङ्देमुन सउलमा सम्पन्न भएको छ । समाजका अध्यक्ष मनोज गुरुङको सभाध्यक्ष र गण्डकी प्रदेश समाज दक्षिण कोरियाको अध्यक्ष नर कुमार गुरुङको प्रमुख अतिथ्यतामा डिसेम्बर २७ तारिक सो कार्यक्रम सम्पन्न भएको हो ।
समाजका वरिष्ठ उपाध्यक्ष तोरन गुरुङको स्वागत मन्तव्यसँगै शुरु भएको उक्त कार्यक्रममा प्रमुख अतिथिले दीप प्रज्वलन गरेर कार्यक्रमको औपचारिक उद्घाटन गरेका थिए । कार्यक्रमका वीच प्रस्तुत भएका विभिन्न सामूहिक र एकल नृत्यले कार्यक्रमको थप शोभा बढाएको थियो । वर्षेनी रुपमा निरन्तर आयोजना गर्दै समाजले तमु समुदायको वर्ग चक्र अनुसार यो वर्ष सप्री-ल्हो (सर्प वर्ग) लाई विदाई र त-ल्हो (घोडा वर्ग) लाई स्वागत गर्दै स्याेकैँ (रात्रीभोज), शुभकामना आदानप्रदान तथा विविध साँस्कृतिक कार्यक्रम सहित धुमधामका साथ ल्होसार मनाएको हो ।
विशेष अतिथिको रुपमा उपस्थित समाजका परिकल्पनाकार तथा समाज घर व्यवस्थापक लेसन गुरुङ, वरिष्ठ सल्लाहकार स्याङ्जा समाज दक्षिण कोरियाको केन्द्रीय अध्यक्ष सुशील गुरुङ र सोही संस्थाका पूर्वाध्यक्ष युवराज गुरुङ र निवर्तमान अध्यक्ष तथा वरिष्ठ सल्लाहकार विजय गुरुङ, तमु धीं कोरिया केन्द्रका वरिष्ठ सल्लाहकार वाईबि गुरुङ, गोर्खाली रेडियो दक्षिण कोरिया संवाददाता बोम्जन गुरुङ र अतिथिहरुमा समाजका सम्पूर्ण सल्लाहकार तथा समाजका कृयाशिल सदस्य र शुभचिन्तकहरु रहेका थिए ।
उक्त छैठौं अधिवेशनमा वक्ताहरुले भिरकोट आठथर क्षेत्रका दाजुभाई दिदीबहिनीहरुको आत्मीय भाव, सद्भाव र एकताले समाजको हरेक अभियान र कार्यक्रमले सफलता प्राप्त गरेको उल्लेख गर्दै समाजका सबै अग्रज, अनुज र समकालीन व्यक्तित्वहरुप्रति सम्मान व्यक्त गर्दै समाजले सञ्चालनमा ल्याएको आवास गृह घर (सेल्टर) बाट भरपूर लाभान्वित भएकोमा खुशी व्यक्त गर्दै अधिवेशन सफलताको शुभकामना व्यक्त गरेका थिए ।
उद्घाटन सत्रपछिको बन्द सत्रमा कुमार गुरुङ संयोजक रहने गरि सदस्यहरु लेसन गुरुङ, विजय गुरुङ, सुशील गुरुङ र माया गुरुङ रहने गरि बनेको निर्वाचन मण्डलले निर्वाचन सम्बन्धी सम्पूर्ण प्रक्रिया पूरा गर्दै नवगठित कार्यसमितिलाई सपथ ग्रहण गराएका थिए । स्याङ्जा भिरकोट आठथर तमु समाज दक्षिण कोरियाको पाँचौं अधिवेशनबाट अध्यक्षमा तोरन गुरुङ, वरिष्ठ उपाध्यक्ष नुतन गुरुङ, उपाध्यक्षहरुमा याम गुरुङ, राम गुरुङ र सेकेन्द्र गुरुङ सचिव कृष्ण “प्लेमे” गुरुङ, सहसचिव दुतप्रसाद गुरुङ र राजु गुरुङ, कोषाध्यक्ष वसन्त गुरुङ, सहकोषाध्यक्ष टौमाया गुरुङ रहेका छन् भने सदस्यहरुमा मोना गुरुङ, प्रेम गुरुङ, पिम गुरुङ, अस्मिता गुरुङ, कृष्ण गुरुङ, प्रशान्त गुरुङ र डिकेन्द्र गुरुङ सर्वसम्मत चयन भएका छन् ।
पहिलो चरणमा संस्थाका सचिव सेकेन्द्र गुरुङ र बन्द सत्रमा लेसन गुरुङको विशेष सहजीकरणसँगै नर कुमार गुरुङले कार्यक्रम सञ्चालन गरेका थिए । “आत्मीय सद्भाव, अनुशासन र गतिशीलता, मानवीय सहयोग गर्नु हाम्रो अभिभारा” भन्ने मूल नारालाई अनुशरण गर्दै सन् २०१५ मा स्थापित समाजको उक्त अधिवेशनलाई सफल बनाउन उपस्थित संस्था सम्बद्ध महानुभावहरुलाई समाजले हार्दिक धन्यवाद व्यक्त गरेको छ ।
