कोरियामा जनवरी १८ तारिक “मगर माघे संक्रान्ति विशेष सांस्कृतिक कार्यक्रम” मनाइने

कोरियामा बर्षेनी मनाउँदै आइरहेको “मगर माघे संक्रान्ति विशेष सांस्कृतिक कार्यक्रम २०८२” आउँदो जनवरी १८ मा आयोजना हुने भएकाे छ । नेपाल मगर संघ गणतन्त्र कोरियाले आफ्नो शाखाहरु बुसान/किम्हे शाखा, थेगु शाखा, जेजु शाखा, DSME मगर समाज गजेदो, मोक्यो-छल्लादो शाखा र अठार मगरात खामभाषी सम्पर्क मञ्चसँगको संयुक्त आयोजनामा छङ्नामस्थित (전남 영암군 삼호읍 대불주거 3로 신해양 산업 단지 캠퍼스(김유전홀) मा बिहान ११ बजेदेखि शुरु हुने गरी सो कार्यक्रम मनाउने भएकाे हाे ।

ख्यातीप्राप्त स्थानीय कलाकारहरुको सहित नेपाल लोक तथा दोहोरी गीत प्रतिष्ठान कोरिया शाखामा आबद्ध कलाकारहरुको विशेष सांगीतिक प्रस्तुतिले कार्यक्रम भव्य हुने संघका महासचिव पि.एम. ग्यामी मगरले बताए । नेपाली परम्परागत स्वादिष्ट परिकारहरु पनि उपलब्ध हुने उक्त कार्यक्रम विगतमा जस्तै ब्यापक सहभागिता सँगै कार्यक्रम थप उत्साहजनक हुने विश्वास नेपाल मगर संघ गणतन्त्र कोरियाका केन्द्रीय अध्यक्ष अञ्जन थापा मगरले व्यक्त गरे । मुख्य व्यवस्थापक नेपाल मगर संघ कोरिया मोक्यो-छल्लादो शाखा रहेको उक्त कार्यक्रममा हेल्थ क्याम्प तथा भिसा परामर्श सेवा पनि उपलब्ध गराइने जानकारी आयोजक संस्थाका केन्द्रीय वरिष्ठ उपाध्यक्ष विजय थापाले जानकारी दिए ।

कोरियामा रहेका मगर समुदायलाई एकताको सुत्रमा बाँध्दै आफ्नो जातीय भेषभूषा, कला, संस्कृति र अस्तित्व संरक्षणमा टेवा पुर्याउँदै विभिन्न संघसंस्था र संगठनहरुसँग समन्वय र सहकार्य गर्दै आइरहेको नेपाल मगर संघ कोरियाद्धारा आयोजित “मगर माघे संक्रान्ति विशेष सांस्कृतिक कार्यक्रम २०८२” लाई सफल बनाउन कोरियामा रहनुहुने सम्पूर्ण नेपालीहरुमा आयोजक संस्थाले उपस्थितिको लागि अनुरोध गरेको छ ।