आदिवासी जनजाति राष्टिय पत्रकारिता पुरस्कार प्रदान गरिने
काठमाडौं,
नेपाल आदिवासी जनजाति पत्रकार महासंघ फोनिजले आदिवासी जनजाति राष्टिय पत्रकारिता पुरस्कार २०६२ (आइभिए अवार्ड) बाट पुरस्कृत हुनेको नाम घोषणा गरेको छ । फोनिजले एसियामा आदिवासी जनजाति गठबन्धन (आइभिए अवार्ड) को सहयोगमा हरेक वर्ष विश्व आदिवासी दिवसको अवसर पारेर प्रदान गर्दै आएको पुरस्कारबाट यस वर्ष छापा, रेडियो तथा टेलिभिजनका गरि ६ जना पत्रकारहरुलाई पुरस्कृत गरेको हो ।
पुरस्कृत हुनेमा छापातर्फ सन्ध्या टाइम्स दैनिकका सुरेशकिरण मानन्धर र हिमाल खबरपत्रिकाका देविका घर्तीमगर, टेलिभिजनतर्फ एबीसी टिभीका लोकबहादुर गुरुङ (लाला) र सगरमाथा टिभीका रोजिना लामा तथा रेडियोबाट इलाम एफएमबाट सन्तोष नेम्वाङ र रेडियो जागरण रुपन्देहीबाट कमला चौधरी पुरस्कृत भएका छन् । पुरस्कार छनौट समितिको मंगलबाट बसेको बैठकले पुरस्कारको घोषणा गरेको हो । पुरस्कारका लागि छापामा ३३, रेडियोमा २९ र टेलिभिजनमा २० जनासहित ८४ जनाको आवेदन परेकोमा प्रत्येक विधामा दुइदुई जना पत्रकारको नाम छनौट गरेको फोनिजद्धारा जारी विज्ञप्तिमा उल्लेख छ ।
प्रत्ेयक विधामा ४० ४० हजारको पुरस्कार संयुक्त रुपमा प्रदान गरिने छ । पुरस्कारका लागि छनौट भएका पत्रकारहरुलाई छनौट समिति तथा फोनिजले हार्दिक बधाइ दिदै पुरस्कार यहि साउन २३ गते विश्व आदिवासी दिवसको अवसर पारेर काठमाडौंमा आयोजना हुने कार्यक्रममा वितरण गरिने भएको छ ।
