नार्गजुन गुम्बाद्धारा आयोजित एक दिने छुङछनसी भ्रमण सम्पन्न

दक्षिण कोरियामा रहेको नेपालीहरुको पुरानो गुम्बा नार्गजुन गुम्बाले आइतबार एक दिने छुङछनसी क्षेत्रको भ्रमण गरायो । ४० जना नेपालीहरुको टोलीले छुनछनसीको बोटानिक गार्डन, फोरेस्ट म्युजियम, स्काइ वाक र सामवन्सा गुम्बाको भ्रमण गरेको हो ।
‘हामी धार्मिक संस्था भए पनि कोरियाको विकास र संरक्षणको समग्र पक्षलाई देखाउनको लागि यो भ्रमणको आयोजना गरेका हौ ।’ नार्गजुन गुम्बाका लामा प्रमुख उर्गेन लामाले भने । ‘यस्ता भ्रमणले नेपालीलाई कोरियाको संस्कृति, संस्कार र प्राकृतिक मनोरम स्थलमा कसरी आयआर्जनको व्यवसाय गरेका छनृ भन्ने कुरा सिक्न सक्छन् ।’ उनले थपे ।
भ्रमणबाट धेरै ज्ञान लिन सकेको समिर तामाङले भने । ‘कहाँ कहाँको रुख विरुवा कोरियामा ल्याएर राखेको छ । वातावरण अनुकुलनको लागि पुरै क्षेत्रलाई ग्रीन हाउस बनाइको । यो मेरो लागि नौलो थियो । हाम्रो गाउँमा पाइने विरुवाहरु पनि राखेको रहेछ । गाउँ नै पुगेको जस्तो लाग्यो ।’ उनले भने ।
फोरेस्ट म्युजियममा काठका इतिहास, काठका प्रकारहरु राखिएको छ भने छुङछनसीको सोयाङ नदि माथि बनाइएको स्काइवाक धेरै स्वदेशी र विदेशीको घुम्न आउन चाहने ठाउँ मध्येको हो । सामवनसा गुम्बा छुङछनसी कै ठूलो गुम्बा हो भने यसमा टेम्पल स्टेको सुविधा पनि रहेकोछ ।