तमू धीं दक्षिण कोरियाले छुसकमा गर्ने रोधी साँस्कृतिक भाग ४ को व्यानर सार्वजनिक

तमु धीं दक्षिण कोरियाले छुसकको दोस्रो दिन अर्थात सेम्पटेम्बर १३ मा आयोजना गर्ने चौंथो रोधीं सांगीतिक सौगातको व्यानर तथा पोस्टर सार्वजनिक गरेको छ । आइतबार तमुधीले आयोजना गरेको वनभोज कार्यक्रममा व्यानर सार्वजनिक गरिएको हो ।
तमु धीं गर्ने कार्यक्रमको लागि पहिलो चरणको सहमति कलाकारहरूसंग गरिएको तमु धींका अध्यक्ष जीत गुरुङले बताएका छन् । ‘हामीले पहिलो नेपाल आईडल तथा भर्सटायल गायक बुद्ध लामालाई पहिलो पटक कोरिया ल्याउँदैछौ । त्यस्तै अहिलको चर्चित लोकदोहोरी गायक प्रकाश सपुतसँग पनि हाम्रो सहमति भएको छ ।’ उनले भने । ‘अन्य कलाकारमा लोक गायिका बत्ती थापा मगर, आधुनिक गायक तथा कमेडियन उमेश राई (फुलनदेवीकी आमा) कोरिया आउने भएका छन । अन्य कलाकारहरु सँग हामी छलफल गर्दैछौ ।’ उनले थपे ।
तमू धीं दक्षिण कोरियाले सधै झै वनभोज आयोजना गरेको थियो । तमुधीं थेगु शाखा र ख्यङ्साङ्नाम्दो बुसान शाखाको सह आयोजनामा शनिवार र आइतबार भएको वनभोजमा कोरिया २५० भन्दा बढि गुरुङहरुको सहभागिता भएको थियो ।
तमूहरुको विश्वव्यापी नारा शास्त्र हराए संस्कार हराउँछ संस्कार हराए संस्कृति हराउँछ, संस्कृति हराए मानिस जाति नै हराउँछ लाई आत्मसाथ गर्दै कोरियामा विभिन्न पेशा तथा व्यवसायको शिलशिलामा बसोबास गरिरहेका तमूहरुलाई एकै स्थानमा जम्काभेट गराई तमूहरुको विभिन्न मौलिक पराम्परामा आधारित साँस्कृतिक प्रस्तुतिहरु सँगै मनोरञ्जनात्मक खेलहरु सहित बनभोज कार्यक्रम(स्योंकैं) भव्यताका साथ सम्पन्न भएको हो ।
कार्यक्रममा संस्थाको हितको लागि र हरेक कार्यक्रममा सक्रिय भएर सहयोग गर्नुहुने केही व्यक्तित्वहरुलाई दोसल्ला सहित र विभिन्न संस्थामा नवनिर्वा्चित र मनोनित भएका गुरुङ (तमू) व्यक्तित्वहरुलाई खादा लगाई सफल कार्यकालको शुभकामना र बधाई सहित सम्मान गरिएको थियो ।
वनभोजको औपचारिक कार्यक्रमलाई संस्थाका केन्द्रिय अध्यक्ष जित बहादुर गुरुङले सभापतित्व ग्रहण गरेका थिए । त्यसैगरि प्रमुख अतिथिमा नेपाल आदिवासी जनजाती महासंघका अध्यक्ष युगल टेण्डुप शेर्पा, विशेष अतिथिहरुमा तमू धीं थेगु शाखाका अध्यक्ष हर्क गुरुङ, तमू धीं ख्यङ्साङ्नाम्दो शाखाका अध्यक्ष अनिश गुरुङ, फोनिज कोरियाका अध्यक्ष गोकुल थोकर, नेपाल तामाङ संघका अध्यक्ष मेघप्रसाद वाईबा रहेका थिए । त्यस्तै अतिथिहरुमा सुरज गुरङ, प्रदिप गुरुङ, लिना गुरुङ, बेल गुरुङ, बुद्वि गुरुङ, धर्म गुरुङ, भिम गुरुङ (ताप्लेजुङ), भिम गुरुङ (लमजुङ), अमृत गुरुङ, प्रितम गुरुङ,युवराज गुरुङ,दर्पण गुरुङ,तुलश गुरुङ,सबिन गुरुङ,विपिन गुरुङ,श्रीप्रसाद श्रेष्ठ,मिनराज गुरुङ,मदन गुरुङ ,शंकर गुरुङ,पुर्ण गुरुङ,परी गुरुङ,गोपाल गुरुङ, कर्ण गुरुङ, खोम प्रसाद गुरुङ, शतिश गुरुङ साथै विभागीय संयोजक तथा सह(संयोजकहरु र अग्रज तथा सक्रिय व्यक्तित्वहररु सँगै गुरुङ (तमू) तथा गैर तमूहरुको गौरवमय बाक्लो उपस्थिति रहेको थियो भने कार्यक्रम संचालन संस्थाका केन्द्रिय महासचिव लेसन गुरुङले गरेका थिए ।