समिर लिम्बू र मेलिना राईको तिमी र ममा दिनेश र एलिना (भिडियो सहित)
कोरियामा रहेर अभिनय क्षेत्रमा आफ्नो छुट्टै परिचय बनाईसकेका दिनेश नाछिरिङ र एलिना थापा मगरको नयाँ म्युजिक भिडियो बजारमा आएको छ। गायिका मेलिना राई र गायक समीर लिम्बुको आवाजमा सजिएको ‘आँखा अघि राखे तिमीलाई’ गीतको भिडियो गायक लिम्बुको आफ्नै युट्युब च्यानलबाट सार्वजनिक भएको छ । गायक समीर लिम्बूको जन्मदिनको शुभ अवसर पारेर म्युजिक भिडियो रिलीज गरिएको हो। गीतमा सदोक मल्लको शब्द रचनामा कमल रसाईलीले संगीत भरेका छन भने आमोस तामाङले संगीत संयोजन गरेका हुन।
म्युजिक भिडियोमा ह्याण्डसम गायक तथा मोडल दिनेश नाछिरीङ राई र एलिना थापा मगरलाई देख्न सकिन्छ ।
कोरियाको बिभिन्न रमणिय ठाउँहरूमा खिचिएको उक्त भिडियोलाई कोरियामा रहेर निर्देशन गर्दै आएका चर्चित निर्देशक हाङ चेम्जोङले निर्देशन गरेका हुन। म्युजिक भिडियोलाई पेंजी योङ्गले खिचेका हुन भने बिकास ज्ञवालीले ईडिट गरेका हुन।
कोरियामा रहेर झण्डै दर्जनको हाराहारीमा म्युजिक भिडियो गरिसकेकी एलिना यस पल्ट अझ बढी उत्साहित रहेको बताउछिन। त्यस्तै गायक तथा मोडल दिनेश नाछिरिङपनी यो गीतलाई आम दर्शक श्रोताले मनपराउनेमा ढुक्क छन्।
भिडियो लिङ्क तल
