मृगौला पीडितको सहयोगार्थ कोरियाको किम्हेमा “ए मेरो हजुर ३” प्रदर्शन हुने

मृगौला पीडितको सहयोग गर्ने उदेश्यका साथ कोरियाको किम्हेमा नेपाली कथानक चलचित्र “ए मेरो हजुर ३”को बिशेष प्रदर्शनी गर्ने भएको छ । “आफु बाचौ र अरुलाई पनि बचाऊ” भन्ने मुख्य उदेश्यका साथ गर्न लागेको उक्त फिल्म प्रदर्शनीको सम्पुर्ण तयारी समेत भैसकेको जनाएको छ ।

दुवै मृगौला फेल भएका काभ्रे जिला रोशी गाऊपालिका वडा न ३ का ५४ बर्षिया मिना तामाङको उपचारको लागी आर्थिक संकलन गर्ने उदेश्यले तामाङ समाज ख्यङ्सङ्नाम्दो/बुसान दक्षिण कोरियाद्वारा फिल्म प्रदर्शन गर्न लागेको लागेको हो ।

बिरामी तामाङको आर्थिक अवस्था कम्जोर भएकोले उपचारको लागी समस्य उत्पादन भएको हुँदा यसरी फिल्म प्रदर्शन गरेर सहयोग संकल गर्न लागेको तमाङ समाजका कार्यबाहक अध्यक्ष सुजित घिसिङले जानकारी दिएका छन् । “दक्षिण कोरियामा रहेका नेपालीहरुलाई मनोरञ्जन को साथ साथै सामाजिक परोपकारी कार्य पनि गरौं भनेर फिल्मको प्रदर्शन गर्न लागेको हो ।” घिसिङले भने । “किम्हे बुसानमा रहनु भएका सम्पूर्ण संघ संस्थाहरु , समाजसेवी , बुद्दिजीवी , ब्यापारी , पत्रकार , बिद्यार्थी लगायत सम्पुर्ण नेपाली दाजुभाइ तथा दिदिबहिनीहरुलाई सहभागी हुन अनुरोध गर्न चाहन्छु ।”

कार्यक्रमको सम्पुर्ण तयारी पुरा भएको र १ सय भन्दा बढी टिकट अग्रिम बिक्री समेत भैसकेको जानकारी समाजका महासचिव सोम योञ्जनले दिएका छन् ।

फिल्म प्रदर्शनको क्रममा मोबाइल एप E 99 पे तथा JB मोबाइलको स्टल समेत रहने जनाएको छ ।

फिल्म यहि आउँदो जुन ९ तारिखका दिन किम्हेको मुन्ह्वावन हालमा प्रदर्शन हुने छ । यस अघि मे २६ सौल र जुन २ खजेदोमा समेत उक्त फिल्म सफलता पुर्वक प्रदर्शन भैसकेको छ ।

अभिनेत्री झरना थापा द्वारा निर्देशित नेपाली कथानक चलचित्र “ए मेरो हजुर ३” सुहाना इन्टरटेनमेन्टको व्यानरमा निर्माण भएको हो भने अनमोल केसी र सुहानाका थापाको प्रमुख भुमिका रहेको छ । त्यस्तै अपर्ण थापा, सलोन बस्नेत, रविन्द्र झा, सरोज खनाल, विशाल पहाडी, रेयर राई, रुपा घिसिङ, रक्षा गौतम लगायतका कलाकारको पनि अभिनय रहेको छ । सिनेमामा झरना थापा र सुमन पौडेलको कथा, छेतेन गुरुङ, प्रतिक पौडेल, बाबुराम दाहाल र सुमन पौडेको पटकथा तथा संवाद, सञ्जय लामाको छायांकन, कविराज गहतराज, प्रविन सिंह, राहुल शाह र रामजी लामिछानेको कोरियोग्राफी, हिमाल केसीको द्धन्द्व, दिर्घ खड्काको सम्पादन रहेको छ ।