सउल नेपाल गुम्बाले मनायो बुद्ध जयन्ती

कोरियाको सउल नेपाल गुम्बाले २५६२ औं बुद्ध जयन्ती मनाएको छ । आइतबार भएको कार्यक्रममा सउल गुम्बा विषेश पूजापाठ र बौद्ध प्रवचन भएको थियो ।
कार्यक्रमका लागि नेपालबाट आएका बौद्ध तीनचुली ह्योल्मो गुम्बाका प्रमुख लामा दोर्जे लोप्पोन छेवाङ नोर्वु लामा र शिक्ष्येन ञ्यिङमा गोम्पा माहायन बौद्ध बिहारका प्रमुख लामा आचार्य पेमा छिरिङ लामाको साथमा पूजापाठ भएको थियो ।
पूजापाठपछिको औपचारिक कार्यक्रममा कोरियाका लागि नेपाली राजदुतवासका कार्यबाहक राजदुत किरण शाक्य प्रमुख अतिथिका रहेका थिए । पूजापाठपछि शिक्ष्येन ञ्यिङमा गोम्पा माहायन बौद्ध बिहारका प्रमुख लामा आचार्य पेमा छिरिङ लामाले बुद्ध जन्म, बुद्धका वचन, बुद्धका सिद्धान्त, मानिसमा बुद्ध धर्मको महत्व लगायतका विषयमा प्रवचन दिएका थिए ।
त्यस्तै बौद्ध तीनचुली ह्योल्मो गुम्बाका प्रमुख लामा दोर्जे लोप्पोन छेवाङ नोर्वु लामाले बुद्ध धार्मिकको विश्वास तथा महोत्व सम्बन्धी प्रवचन दिएका थिए । औपचारिक कार्यक्रममा प्रमुख अथिति कार्यबाहक राजदुत किरण शाक्यले आफूले बुद्ध धर्मका पुस्तक अध्ययनका आधारमा धार्मिक महत्व, सिद्धान्त र विभिन्न धार्मिक कार्यक्रममा सहभागीता हुने गरेका अनुभवहरु सुनाएका थिए । त्यस्तै सउल गुम्बाका लामा प्रमुख कुन्साङ दोर्जे लामाले उपस्थित सम्पूर्णलाई धन्यवाद दिदै गुम्बा स्थापना भए देखि नै धार्मिक कार्य गर्दै आएको बताए । साथै कार्यक्रमहरुमा उपस्थिति सबैलाई आभार पनि ब्यक्त गरे ।