नेपाल जाने तयारीमा रहेका एक युवाले गरे आत्महत्या : नेपाली दुतावासलाई मतलब छैन
रोजगारीको लागि इपिएस मार्फत कोरिया आएका एक नेपालीले झुन्डिएर आत्महत्या गरेका छन् । ह्वासाङ फारान नजिकैको कम्पनीमा काम गर्ने २६ बर्षिय मौसम शर्मा पौडेलले आत्महत्या गरेका हुन् ।
कोरियाको चार बर्ष १० महिनाको समयावधी सकिनु ४ महिना पहिलेनै मे १० मा नेपाल फर्कने तयारीमा थिए । के कारण उनले आत्महत्या गरे यसको पुरा जानकारी नभएको सँगै कम्पनीमा काम गर्ने साथीहरुले बताएका छन् ।
मंगलवार राती करिब एकाएक कोठाबाट बाहिरिएका पौडेल निक्कै समयसम्म पनि नफर्किए पछि साथीभाइ मिलेर खोजेका थिए । तर धेरै प्रयास गर्दा पनि उनी फेला परेनन् । त्यस पछि स्थानीय प्रहरीको सहयोगमा कम्पनी नजिकैको जंगलको रुखमा झुन्डिएको अबस्थामा फेला परेका थिए ।
उनको शबलाई नजिकैको अस्पतालमा राखेको छ भने सउलको नेपाली राजदुताबासमा खबर गरेकाे भए पनि काेही नअाएकाे पाैडेलसँगै काम गर्ने साथीहरूले बताएका छन् । नेपाली राजदुताबास भने बुधबार लोकतन्त्र दिवस र डेस्टिनेसन नेपाल भन्दै सउलको एउटा पाँच तारे होटेलमा कार्यक्रममा व्यस्त थियो ।
नेपालीहरुले गम्भिर समस्या भोग्दा पनि नेपाली दुताबासले खासै चासो नदेखाएको गैर आवसिय नेपाली संघ दक्षिण कोरियाकी अध्यक्ष लक्ष्मी गुरुङले आफ्नो फेसबुक मार्फत अाफ्नाे गुनासाे पाेखेकी छिन् ।’दुताबासलाई ५ स्टारमा प्रोग्राम गराउने समय मिल्छ बजेट जुट्छ,नेपाली लास उठाउन हामी नेपाली सामुदय खट्नु पर्छ,जुट्नु पर्छ,कार्यक्रम पनि सुटुक्क । आज पनि मान्छे मरेको छ पुलिस रिपोर्ट आको छैन भनेर पाईलाचल्नु मान्दैन ।
एउटा बिमारी दुबै फाेक्साे फेर्नुलाई रगतको अभावमा छट्पटी राको छ । वास्ता छैन,दुख पाको भैपरी आको काम सबै हामी नेपाली समाजले गर्नु पर्छ । भिसिट नेपाल को प्रचार प्रसार चाई सुटुक्क ५ स्टारमा । अनि आज आत्महत्या गरेको भाइ त गत हप्ता दुताबासले तनाब ब्यब्स्थापन कार्यक्रम गरेको ह्वासङमै रैछ त । यी सब देखाउनका लागि मात्र हुन सरकारको बजेट रित्याउने हो जस्तो लाग्यो । नेपालीलाइ दुःख पर्दा स्टाफ छैन । ब्यस्त छ भन्ने । हामीले फुर्सद निकाली निकाली सघाउछौ उनिहरु चाई ५ स्टार लोट्टे मस्ती क्या।’ उनले लेखिकी छिन ।
