नेपाल भ्रमण वर्ष २०२० प्रचारका लागि आयाेजना गरिएकाे हाईकिङ कार्यक्रम सम्पन्न
भिजिट नेपाल २०२० लाई प्रर्वद्र्धन गर्न कोरियाको दोबोङसान आइतबार हाइकिङ भएको छ । मनाङ परिवार दक्षिण कोरियाले आयोजना गरेको कार्यक्रममा बिभिन्न संघसंस्थाका डेढ सय भन्दा बढि नेपालीको सहभागीता रहेकाे थियाे ।
गैर आवासिय नेपाली संघ एनआरएनए दक्षिण कोरियाकी अध्यक्ष लक्ष्मी गुरुङको प्रमुख आतिथ्यतामा सम्पन्न भएको कार्यक्रममा एनआरएनए आइसीसी प्रतिनिधि प्रकाश धमला, नेपाली जन सम्पर्क समितिकी सभापति आस्था मल्ल, वुमन फर वुमनकी अध्यक्ष पद्मा श्रेष्ठ, फोनिज कोरियाका उपाध्यक्ष लेसन गुरुङ, सउल नेपाल गुम्बा व्यवस्थापन समितिका अध्यक्ष दुधवहादुर लामा लगाएत विभिन्न संघसंस्थाका प्रतिनिधि उपस्थित भएका थिए ।
हाइकिङबाट सहाभागी सबै खुसी थिए । सहभागीले नेपाल भ्रमण बर्ष २०२० लेखिएको टिसर्ट लगाएका थिए । कार्यक्रममा सहभागी नेपालीको संख्या देखेर मनाङ परिवारका अध्यक्ष जेबी लामा मख्ख परे । ‘सधै दोङदेमुन छेउछाउमा घुम्ने साथीहरुका लागि आज नयाँ तरिकाको कार्यक्रम भयो । यहाँ सहाभागी भएका साथीहरुको नेपालको प्रचार गर्दै आफ्नो स्वास्थ्यको पनि राम्रो हुने भएकोले धेरै साथीभाइ सहभागी भएको जस्तो लाग्यो ।’ उनले भने ।
कार्यक्रममा दोबोङसान स्टेशनको गेट नं.१ सुरु भएको थियो । झन्डै चार घन्टा पैदल हिडेपछि सकिएको थियो । पैदल यात्रामा भेटिएका काेरियनलाइ नेपाल भ्रमण वर्षकाे बारेमा भनिएकाे थियाे ।
