किराँत थाक्थुङ चुम्लुङ दक्षिण कोरियाले मे ५ मा स्थापना दिवस मनाउने

किराँत याक्थुङ चुम्लुङ दक्षिण कोरियाले आफ्नो १९ औ स्थापना दिवस मनाउने भएको छ । मे ५ मा हुने कार्यक्रम सउलको एमटियु हलमा हुने छ ।

‘हाम्रो संस्था सन् २००० मा स्थापना भएको हाे । याे बर्ष १९ भयो । दक्षिण कोरियाको पुरानो जातिय संस्थामा हामी पनि पर्छो । त्यसैले यो दिन हाम्रो लागि विषेश हुनेछ ।’ याक्थुङ चुम्लुङ दक्षिण कोरियाका अध्यक्ष सुन्दरदीप आङदेम्बेले भने । ‘हामी विदेशमै भए पनि हाम्रो कलासंस्कृति र संस्कारलाई बचाउने प्रयासको रुपमा बिभिन्न कार्यक्रम गरि रहेका छौ । यो स्थापना दिवस यसैको एक भाग हो ।’ उनले थपे ।
हामी हाम्रो पहिचान र अस्तित्वको लागि एक हौ भन्ने मूल नाराका साथमा हुने कार्यक्रममा दक्षिण कोरियामा रहेका सबै नेपालीहरुलाई उपस्थित हुने संस्थाका बरिष्ठ उपाध्यक्ष मिराक लिम्बुले आग्रह गरे । ‘कार्यक्रममा लिम्बुहरुको मौलिक परिकार र विभिन्न खालको संस्कृतिक प्रस्तुति हुनेछ ।’ उनले भने ।
कार्यक्रममा जानका लागि लाईन नंं. ३ (Bulgwang station)वुलवाङ स्टेशनको गेट नं.२ बाट पाँच मिनेटको दुरीमा रहेको छ ।