नेपाल बौद्ध परिवार दक्षिण कोरियाको छैठौं अधिबेशन यहि मार्चमा हुने।

नेपाल बौद्ध परिवार (Nepal Buddhist Family-South Korea)दक्षिण कोरियाको छैठौं अधिबेशन यहि 2019 मार्च महिनाको 3 तारिख अाईतबारका दिन सउल दोंदेमुन स्थित नेपाल हाउसमा हुने भएको छ। गत 2017 मार्च 27 मा सम्पन्न पाँचौ अधिबेशनबाट चयन भएको बर्तमान कार्यसमितिको 2 बर्षे कार्य अवधि बिधान अनुसार यहि मार्चमा पूरा हुने भएकोछ। संस्थाको प्रगति प्रतिवेदन,अार्थिक प्रतिवेदन प्रस्तुत तथा भावी कार्य योजना तय सहित नयाँ कार्यसमिति चयन गर्नका लागि छैंठौं अधिबेशन गर्न लागिएको कुरा परिवारका बर्तमान अध्यक्ष पेम्बा दोङ्गबा ह्योल्मोले बताएका छन।

सन 1995 मा स्थापना भई दक्षिण कोरियामा लामो ईतिहास बोकेको यस संस्थालाई यहाँ रहेका सम्पूर्ण बौद्ध धर्मावलम्बीहरुको साझा संस्थाको रुपमा मानिन्छ। हेर्दा धार्मिक संस्थाको रुपमा स्थापित भएको जस्तो भएता पनि बुद्ध धार्मिक कार्यक्रमको साथ साथै यस संस्थाले बिगत देखि बर्तमान सम्म बिभिन्न समाज सेवा वा सामाजिक क्षेत्रमा तथा एसियाको तारा बुद्धको नामबाट देशको पहिचान राख्न अायोजना हुने राष्ट्रिय अभियानहरुमा पनि अहम भुमिका खेल्दै अाएकोछ।
बिशेष गरि कोरियामा बुद्ध ईण्डियामा जन्मेको बारेमा फैलिएको भ्रम चिर्दै बुद्ध नेपालमा जन्मेको हो भन्ने बिभिन्न सन्देश मुलक कार्यहरु पनि गर्दै अाएको कुरा महासचिब प्रितम गुरुङ्गले बताए। यसै सिलसिलामा भगवान बुद्धको बैज्ञानिक उपदेश,शान्तीको सन्देश,बुद्ध धर्मको संरक्षण एवं संबर्द्धन गर्न र देशकै गौरव बढाउनका लागि ऐक्यबद्धता जनाउदै सबै बौद्ध धर्मावलम्बीहरू लगायत दक्षिण कोरियाका बिभिन्न क्षेत्रिय तथा संघ संस्थाका
प्रतिनिधि,पत्रकार,बिद्दार्थी,समाजसेवी,बुद्धीजिबी,ब्यापारी,खेलाडी एवं सम्पूर्ण नेपाली दाजु भाई दिदी बहिनीरुमा अागामी मार्च 3 मा हुन गैरहेको छैठौं अधिबेशनमा सहभागिता जनाई कार्यक्रम सफल पारि दिनु हुन नेपाल बौद्ध परिवारले हार्दिक अनुरोध गरेको छ।
कार्यक्रम:
मिति-2019 मार्च 3(आईतबार)
समय-दिनको 12 बजे
स्थान-नेपाल हाउस
(सउल-दोंदेमुन)
सम्पर्क नं-01056332707,01074592969