जलेश्वर चौधरीलाई स्वदेश फर्काउन काेरियामा सहयाेग संकलन अभियान शुरू

करिब चार बर्ष अगाडि वैदेशिक रोजगारीमा गएर पैसा कमाउने र परिवारमा खुशी लिएर फर्किने सपना बोकेर चितवनका जलेश्वर चौधरी साउदी पुगे। चालकको रूपमा गएका चौधरीलाई कम्पनीले पुगेको भोलिपल्ट देखिनै रेडिमिक्स ट्रक चलाउने जिम्मा दियो। गाडी चलाउन थालेको ६ महिनामा ट्रकमा पछाडीबाट साउदीका एक नागरिकले चलाएको गाडी ठोक्कियो र चालकको घटना स्थलमै मृत्यु भयो। हेभी लाइसेन्स बिनानै हेभी गाडी चलाई दुर्घटना पछी गल्ती चालककोनै देखिन्छ। त्यसपछि  चाैधरी लाई जेल पठाइयो।

उनले साउदी नागरिकको हत्या नभएर दुर्घटनमा मृत्यु भएकोले त्यहाँको अदालतले ३ लाख साउदी रियाल ब्लडमनि सहित २ महिना जेल सजाय फैसला गरेको थियोे।उनको ब्लडमनि नजुटेपछी २२ महिनासम्म जेलमा थिए। २२ महिनापछि मृतकका श्रीमतीले उनको आफ्नो तर्फबाट डेढलाख साउदी रियाल ब्लडमनि तिर्नुपर्ने गरि जेलबाट उन्मुक्ति दिन आग्रह गरेपछि अहिले उनलाई साउदी सरकारले डेढलाख साउदी रियाल मिनाहा सहित जेलमुक्त गरेको छ। उक्त रकम नबुझाएसम्म उनी स्वदेश फिर्ता हुन नपाउने अवस्था छ ।

त्यसैले दक्षिण कोरियामा रहेको नेपाल आदिवासी जनजाति महासंघ ,थारु कल्याणकारिणी सभा र चितवन सम्पर्क समिति दक्षिण कोरियाको संयुक्त पहलमा जलेश्वर चौधरीलाई सकुशल स्वदेश फिर्ता पठाउनका लागि आर्थिक संकलन अभियान सुरु गरिएको छ । दक्षिण कोरियामा रहेका सम्पूर्ण राजनैतिक संगठनहरु ,क्षेत्रीय संस्थाहरु, जातीय संस्थाहरु, व्यवसायीहरु,विद्यार्थीहरु लगायत कोरियामा रहनु भएका सम्पुर्ण लाई सहयोगको लागि  अभियन्ता संस्थाले हार्दिक अपिल गरेकाेछ।  ।

रकम जम्मा गर्नको लागि IBK BANK (CHAUDHARY AMBAR BAHADUR) A/C No : 28908605801016 बैंक कोड (03) सम्पर्कको लागी : 1. अम्बर ब.चौधरी : 010-5953-8006 2. शिब चौधरी: 010-2175-2546 3. शिब शंकर महतो थारू: 010-2156-7085 4.मल्लिका थकाली -010-9972-1926 5 भोला पौडेल 010-5901-2761