सुवनमा यो बर्षको पहिलो डान्स पार्टी हुदै, डिजे रेशम र रक गायिका परस्वती लामाले सुवन तताउने
दक्षिण कोरियाको लामो बिदा हुने सलनाल बिदामा के के गर्ने बिचार गर्नु भएको छ ? घुमफिर, साथीभाइ भेटघाट र रमाइलो । यो बिदामा भरपुर्ण मनोरंजन गराउन सुवन स्टार गु्रपले दुई दिन डान्स पार्टी गर्ने भएको छ । नेपालीहरु धेरै बस्ने सुवन शहरमा उक्त डान्स पार्टी आयोजना गर्ने भएको हो । डान्स पार्टी ३ र ४ फेब्रुअरीमा हुनेछ ।
सुवनमा आनसान, ह्वासाङ, फारन, फेन्तेक, छनान, योङिन, ख्वाङजु, सादाङ, खाङनाम, वइजम्बु जस्तो ठाउँ देखि सिधै सवारी पाइने भएकोले पनि सुवनमा रमाइलो गर्न आउने नेपालीहरु धेरै हुन्छन् । दुई दिनसम्म हुने रमाइलो डान्स पार्टीमा आउन आयोजकले सबै कोरियामा रहेका नेपालीलाई आग्रह गरेको छ ।
गत साल छुसकमा केन्जलमेहर श्रेष्ठले प्रस्तुति दिएको हलमा डान्स पार्टी हुनेछ । बेलुकी ९ बजेबाट सुरु हुने पार्टीको प्रवेश शुल्क १५ हजार वन तोकिएको छ ।
कोरियन नयाँ बर्षको चिसो मौसमलाई च्यालेन्ज गर्दै अन्तराष्ट्रिय डिजेहरुको साथमा मनोरञ्जन लिन सकिने आयोजकले जनाएको छ । डान्स पार्टीमा गायिक एवम् रकस्टार परस्वती लामाको विशेष प्रस्तुति रहनेछ र साथमा डिजे रेशमले डान्स पार्टीको माहौल तताउने छन् । कोरियाका नेपालीलाई नचाउन डिजे रेशम जापानबाट डान्स पार्टीको लागि कोरिया आउनेछन् । उनले यस अघि पनि कोरियामा भएका बिभिन्न डान्स पार्टीमा नेपाली युवाहरुलाई नचाइ सकेका छन् । परस्वती लामाले देश विदेशमा आफनो प्रस्तुति मार्फत नेपाली युवाको मन जित्न सफल भएकि छिन् । त्यसैले यो पटक झन रमाइलो हुने आयोजकको विस्वास छ ।
दक्षिण कोरियामा अहिले भैरहेको भन्दा राम्रो डान्स पार्टीहरु हुने आयोजकले दाबि गरेको छ । पार्टीसंगै नेपाली परिकारको स्वाद पनि चाख्न सकिने ग्रुपको भनाई छ । हामी अन्तराष्ट्रियस्तरका डिजेहरुका साथमा आउँदैछौ । त्यसैले लामो समय कम्पनीको कामले थाकेको ज्यानलाई स्फूर्त बनाउन डान्स पार्टीमा आउन सुवन स्टार गु्रपले आग्रह गरेको छ ।
