उदयपुर म्युजिकल कन्सर्टको पोस्टर सार्बजनिक
उदयपुर सेवा समाज दक्षिण कोरियाले सलनालमा गर्न लागेको उदयपुर म्युजिकल सन्सर्टको पोस्टर सार्बजनिक गरेको छ । सउलमा आइतबार भएको कार्यक्रममा विभिन्न संघसस्थाका प्रतिनिधिहरुको उपस्थितीमा सो कार्यक्रम सम्पन्न भएको हो ।
‘हामीले जिल्लाकाे स्वास्थ्य सेवालाई सहयोग गर्नका लागि यो कन्सर्ट गर्न लागेका हौ । जति सक्छौ हामी हाम्रो लक्ष्य अनुसारका सहयोग गर्नेछौ । कलाकारलाई पनि हामीले मिलाएर ल्याउने भएका छौ । त्यसैले दक्षिण कोरियामा सलनालको फेबु्रअरी ४ मा हुने कन्सर्ट धेरैको आकर्षण हुन्छ भन्ने हामीलाई लागेको छ ।’ समाजका अध्यक्ष एमके राईले भने ।
उदयपुर सेवा समाजले कन्सर्टबाट उठेको रकम जिल्लाको बिकट क्षेत्रका बासिन्दाको स्वस्थ्य उपचारको लागि खर्च गर्न योजना बनाएको छ । कार्यक्रमका लागि नेपालबाट शिब परियार, मिलन नेवार, श्रेया राई, निशान भट्टराई, सन्ध्या बुढा, सिता राई, बिनिता राई, जेपी नेम्बाङ र सोनम शेर्पा आउने भएका छन् ।
‘हामीले दक्षिण कोरियामा रहेका नेपालीको रोजाईको कलाकार छनौट गरेका छौ । त्यसैले पनि यो सलनाल बिषेश हुनेछ भन्ने हामीले ठानेका छौ ।’ कार्यक्रम संयोजक महेन्द्र राईले भने । ‘कार्यक्रमको सम्पूर्ण खर्च कटाएर बाँकी भएको आम्दानी सबैसँगको सरसल्लाहमा जिल्लाको दुर्गम क्षेत्रलाई सहयोग गर्छौ । त्यसैले यो मनोरञ्जनका साथमा सामाज सेवा हो । त्यसैले दक्षिण कोरियामा रहेका सबै नेपालीलाई हाम्रो कार्यक्रममा आइदिन आग्रह गर्छौ ।’ उनले थपे ।
‘म्युजिकल कन्सर्ट सधै नेपालीहरुको सांगीतिक कार्यक्रम भैरहने छुङ्नाे ओगाको हलमा हुनेछ । सउलमा आउने साथीहरुका लागि सजिलै कार्यक्रम स्थल पुग्न सकिने ठाउँमा छ । त्यसैले सबैकाे लागी ठीक हुन्छ भन्ने हामीले ठानेका छौ ।’ उदयपुर सेवा समाजका सचिब तथा कलाकार संयोजक बिभिन्द्र राईले भने । ‘हामी यस पटकको सलनाल उदयपुरसँग रमाइलो गर्न आग्रह गर्छो’ उनले थपे ।
