नयाँ बर्षमा नाचन ठूली ४ हुने
आउँदै गरेको नयाँ बर्ष २०१९ को अवसरमा नाचन ठूली डान्स पार्टी हुने भएको छ । डिसेम्बर २९ तारिख शनिबार हुने डान्स पार्टी नेपाली समुदाय बीच कोरियामा नै पहिलो पटक डान्स पार्टी शुरुवात गरेको नेप्लिज पार्टी रकर्स इन कोरिया (एनप्रिक)ले गर्न लागेको हो ।
कोरियामा नै पहिलो पटक डान्स पार्टी शुरुवात गरेका नेप्लिज पार्टी रकर्स इन कोरिया (एनप्रिक) समुहले २८ औं कार्यक्रम स्वरुप पस्किन लागेको नाचन ठुली टाईटल विगतमा ३ पटक भव्यताका साथ सम्पन्न भईसकेको हुनाले यसपटक नाचन ठुली ४ आयोजना गर्न लागिएको हो ।
ठुली नामक यस पार्टीमा हरेक वर्ष महिला डिजेको उपस्थिति रहेको हुनाले यस पटक ठुलीको भुमिकामा महिला नेपाली डिजे (डिजे साइन)को प्रस्तुति रहनेछ भने डिजे सिम्यान र डिजे आरएक्सले साथ दिने भएका छन् ।
लाइन नं. १ को सामगा स्टेसन गेट नं.१५ बाट २०० मिटर पर रहेको ड्रिम प्यालेस बिल्डिङको ९औ तल्लामा पार्टी हुनेछ । हल सम्म जानको लागि दङ्देमुन गेट नं ३ मा साढे नौ बजे बाट निशुल्क बस सेवा उपलब्ध गराइनेछ । ट्याक्सीमा जानको लागि पोष्टरमा दिएको ठेगाना प्रयोग गर्न सक्ने आयोजकले बताएका छन् ।
