थेगु नेपाली सेल्टरको दोस्रो अधिबेशन सम्पन्न, संयोजकमा फेरी सुरेश खत्री
थेगु नेपाली सेल्टरको दोस्रो अधिबेशन नोभेम्बर १८ आइतबार थेगुमा सम्पन्न भएको छ । अधिबेशनबाट संयोजकमा फेरी सुरेश खत्री चयन भएका छन् ।
थेगु सेल्टरका संचालन सहयोगी समेत भइ सहकार्य गर्दै नेपाली मंचका सचीव प्रकाश बरालको स्वागत मन्तब्यबाट सुरु भएको उक्त कार्यक्रमलाई औपचारिक रूपमा प्रमुख अथितीको खेमेङ युनिभर्सिटिका प्रोफेसर डा.मधुसूदन आत्रेयले दिप प्रजव्लन गरेर कार्यक्रमको समुद्वघाटन गरेका थिए ।
कार्यक्रमा संयोजक सुरेश खत्रीले सेल्टरको आयब्यय प्रस्तुत गरेका थिए । सेल्टरलाई केहि रकम घाटामा भए पनि सबैको सहयोग भए भविष्यमा राम्रो गर्न सकिने बताए । ‘अब देखि थेगु नेपाली मंच अन्तरगत थेगु क्षेत्रका संघसंस्था र सेल्टरलाई संचालन गर्नेछौ । यसका लागि सबैलाई मिलेर काम गरौ भन्ने भावना हुन पर्यो ।’ उनले थपे ।
कार्यक्रमा गेङसान माइग्रेन्टका प्रतिनिधि धन कठायत, बेगान नेपाली साथी समुहका अध्यक्ष पासाङ सेर्पा, नेपाली परोपकार समाज कुजिका अध्यक्ष दिनेश कडेल, नेपाल मगर संघ थेगु साखाका अध्यक्ष कुमार गर्बुजा, स्याङ्जा परिवार थेगु साखाका अध्यक्ष बिरेन्द्र नौभाग्य, नबगठित थेगु नेपाली मंचका उपसंयोजक रमेश राना, बिचारी क्लब थेगुका भगवान साही, वेगान नेपाली हाउसका संयोजक बालकृष्ण न्योपाने, बिस्वकर्मा समाजका अध्यक्ष सन्तोष कास्यप, थेगु नेपाली मंचका संयोजक नगेन्द्र मगरका र डा. मधुसूदन आत्रेयले शुभकामना शन्देश दिएका थिए ।
थेगु क्षेत्रमा काम गर्ने नेपालीहरुलाई सेल्टरमा बस्न परे ०१०४४६१२२५१ मा फोन गरि आउन सक्ने सेल्टरले जनाएको छ ।
