थेगु नेपाली सेल्टरकाे अधिबेशनमा सहभागी भैदिनु हुन संयाेजक सुरेश खत्रीकाे अनुराेध।

सम्पुर्ण आदरणीय दाजुभाइ तथा दिदिबहिनीहरू

यस प्रबासी भुमि कोरियालाई आफ्नो कर्मथलो बनाइ यहाँ कार्य गरिरहने हामी नेपालीहरु चालीस हजार भन्दा बढीकाे सख्यामा पुगिसकेको  सबैलाइ अबगत नै छ । कोरिया बसाईको क्रममा हामी नेपालीहरुले भोग्नुपरेको विभिन्न समस्याहरु मध्ये एक हो कम्पनी परिवर्तन वा अन्य कारणले आफ्नो बसोबास स्थान छोडेर  अन्यत्र  जानुपर्ने  अबस्था। यस्ताे समस्यालाई मध्ये नजर गर्दै केहि बर्ष अगाडि कोरियाको थेगु सहरमा पनि एउटा सेल्टरको आवश्यकता महशुस गरियो । सोही अनुरुप तपाई हाम्रै पहलमा सबैको साथ सहयोगले यहाँ पनि एउटा सेल्टर स्थापना गरियो ।यसको स्थापनार्थ शुरुवात कालदेखिनै आफ्नो नैतिक भौतिक आर्थिक सहयोग गरिदिनुहुने सम्पूर्ण अग्रजसाथीहरूमा हार्दिक धन्यवाद एबम् आभार व्यक्त गर्दछु ।
सेल्टर स्थापनाकाल देखिनै आजका दिन सम्म आइपुग्दा सयौं हाम्रा दाजुभाई तथा दिदीबहिनीहरुले यसलाई आफ्नो सुख दुखको चौतारी बनाइ सक्नु भएको छ । र यो क्रम जारी नै रहेकोे यहाँहरु सबैमा जानकारी गराउन चाहान्छु ।
“थेगु नेपाली सेल्टर” को नामबाट संचालित यस सेल्टरको ब्यबस्थापन सन 2016 /12/04/ देखि 2018/11/18 सम्म सेल्टर सम्योजक रहेर कार्य गर्दै आइरहेको छु । म आफै पनि एउटा EPS कामदार भएकोले आफ्नो ब्यस्तता समय नहुदानहुदै पनि अहोरात्र खटेर सेल्टरमा आउने साथीहरूलाई आफ्नो बर्कतले भ्याएसम्मको सर सहयोग गर्दै आइरहेको छु । साथै यहाँहरुले विभिन्न समयमा सेल्टरलाई गर्नुभएको साथ सहयोग प्रती सबैमा हार्दिक कृतज्ञता व्यक्त गर्न चाहान्छु । र सम्पुर्ण परोपकारी सहयोगी मनहरुमा हार्दिक नमन ।

सेल्टरको दीर्घकालिन संचालन ब्यबस्थापन आफैंमा कति चुनौती पुर्ण र झन्झटिलो रहेछ भन्ने मैले यस्को ब्यबस्थापन सम्हालेदेखि नै महशुस गर्दै आइरहेको छु । घरभाडा बिजुली पानी ग्यास नेट आदिको भुक्तानीगर्नुपर्ने र दैनिक रूपमा यहाँ आउने साथीहरूले तिर्ने सुल्कबाट पनि अपुग हुने स्थितिबाट गुज्रिरहेको छ ।

सन 2017 को मार्चमा हामीले एउटा चलचित्र कार्यक्रमबाट आएको मुनाफाबाट अहिलेसम्म केहि भरथेग त गर्दै आएका छाैं । हाल आएर त्यो पनि सकिसकेको अवस्था छ । यसको सम्पूर्ण आर्थिक हिसाब पनि यहाँहरु सबैमा सार्वजनिक गर्नेछु । यी र यस्तै समस्याहरु भए पनि आजसम्म सेल्टरलाई यहाँ सम्म डोर्‍याउदै ल्याइरहेको छु । आगामी दिनहरुमा पनि यसको सहि ब्यबस्थापन गरेर दीर्घकालीन रूपमा संचालन गर्न सकेमा हामी नेपाली दिदिबहिनी तथा दाजुभाईहरुलाई दुख आपत पर्दा केहि हद सम्म भए पनि राहत हुनेछ ।

सेल्टर सम्योजक रहेर मैले लगभग दुई बर्ष जति यहाँ कार्य गरिसकेको छु । यस प्रकारको सामाजिक कार्यप्रतिको उत्तरदायित्व बोध गरेर मेरो कार्यकालमा भएको सम्पूर्ण बिबरणहरु यहाँ कृयासिल विभिन्न सङघसस्था लगायत आदरणीय दिदिबहिनी तथा दाजुभाइ हरु लाई राख्ने र आगामी नेतृत्व पनि कुनै पनि संस्था वा कुनै ब्यक्ती विशेषले लिन चाहानु भएमा हस्तान्तरण गर्ने हेतुले अधिबेशन गर्ने जमर्को गरेको छु । सोही अनुसार निम्न मिति समय र स्थानमा हुन गइरहेको हुँदा यहाँहरुलाइ गरिमामय उपस्तिथिको लागि हार्दिक अनुरोध गर्दछु ।

मिति : 2018/11/18
समय : दिउँसो 12:00 बजे
स्थान : तारा रेस्टुरेन्ट ( थेगु)

अन्य बिस्तृत जानकारिको लागि :
थेगु नेपाली शेल्टर सम्योजक
सुरेस खत्री
01044612251