कात्तिके देउराली समाज कोरियाको अधिबेशन सम्पन्न, ९ सदस्यीय नयाँ कार्यसमिति चयन
कात्तिके देउराली समाज दक्षिण कोरियाले बिशेष अधिबेशन सम्पन्न गरेको छ । बिगत लामो समयदेखि सामाजिक क्षेत्रमा सक्रिय युवा समूह “कात्तिके देउरालि समाज दक्षिण कोरियाले” छुसकको अवसरमा सेप्टेम्बर २३ तारिखका दिन बिशेष अधिबेशन सप्पन्न गरेको हो ।
कार्यसमितिका अध्यक्ष र कोषाध्यक्षले केही समय अगाडि राजिनामा दिएपछि अन्य सदस्यहरूले बिशेष अधिबेशनको माग गरेका थिए । संस्थालाई बलियो बनाएर सशक्त ढंगले अगाडी बढाउनको निम्ति बिशेष अधिबेशनको माग भएको समितिको सदस्य दिनेश गौतमले जानकारी दिएको छ ।
संस्थाको जिम्मेवार पद रिक्त भएपछि विशेष अधिबेशनले राजेन्द्र दुलालको अध्यक्षतमा ९ सदस्यीय नयाँ कार्यसमिति चयन गरेको छ । विशेष अधिबेशनबाट उपाध्यक्षमा बालकृष्ण बाँसकोटा, सचिबमा उमेश चौँलागाइ र कोषाध्यक्षमा खडानन्द चौँलागाइ चयन भएका छन् । सदस्यहरुमा जगतमान लामा, दिनेश चौँलागाइ, नारायण गौतम, रत्न दोङ लामा र प्रयास हुँमागाइ चयन भएका छन् ।
“प्रबशी एकता आजको आवश्यकता सामाजिक कार्यमा हाम्रो प्रतिबद्धता” भन्ने मुल नारा बोकेको यस संस्थाले विगतमा युवाहरूको सहभागीतामा परोपकारी भावनाले गाउँमा एम्बुलेन्स सेवा संचालन गरेको, गरिबीको कारण उपचार गर्न नसक्ने ब्याक्तीहरुलाई सहयोग गर्ने लगायत सामाजिक र परोपकारी कार्यमा सक्रिय भुमिका खेलेको र यसलाई अझै प्रभावकारी रुपमा अगाडि बढाउने प्रतिबद्धता नव निर्वाचित अध्यक्ष राजेन्द्र दुलालले गरेको छ ।
