पत्रकार सहासंघ दक्षिण कोरियाको अधिवशेनमा राजदुतको अपमान गरेको आरोप

नेपाल पत्रकार महासंघ दक्षिण कोरियाको छैटौ अधिबेशनबाट रञ्जन कुँवर अध्यक्षमा निर्वाचित भएका छन् । मंगलबार भएको अधिबेशनमा कोरियाका लागि नेपाली राजदुत अर्जुन जंगबहादुर सिंहले प्रमुख अतिथी नबानएको भन्दै आफ्नो छोटो भनाई राखेर बाहिरिएका थिए । उनले आफ्नो र राजदुत पदकै अपमान भएकोले पत्रकार सहासंघको आगमी कार्यक्रमहरुमा आफु नआउने भन्दै हिडेका थिए ।
ढिलो गरि पुगेका राजदुत सिंहले कोरियामा भएका पत्रकारको संस्थालाई सामान्य शिष्टचार पनि थाहा नभएको बताए । ‘पत्रकार कि पत्रुकार ? कस्तो खालको पीत पत्रकारिता हो यो ? यस्तो अपमान पनि हुन्छ ? प्रमुख अतिथी भनेर बलाउने यहाँ चाहि विशेष अतिथी ?’ उनले रिसाउँदै भने ।
आयोजकले चिठ्ठी पठाउँदा प्रमुख अतिथी नभनेको बताएका थिए । पत्रकार सहासंघका निर्वतमान अध्यक्ष खेम कार्कीले पत्र पठाउँदा प्रमुख अतिथी भनेर नपठाएको र कार्यक्रममा आएर चित नबुझेको भए कुरा गरेको भए प्रमुख अतिथी नै बनाउँदा पनि फरक नपर्ने बताएका थिए । राजदुतले कार्यक्रम बहिष्कार गरेर हिडे पछि निर्वतमान अध्यक्ष खेम कार्की लगाएले माफी मागेर थोरै समय बसि दिन आग्रह गर्दा समेत राजदुत कसैको वास्ता नगरि बाहिरिए । कार्यक्रममा प्रमुख अतिथी नेपालबाट आएका पत्रकार महासंघका अध्यक्ष गोविन्द आचार्यलाई बनाएको थियो ।
राजदुत हिडेपछि सम्बोधन गरेका अध्यक्ष आचार्यले राजदुत जस्तो गरिमामय पदमा बसेको मान्छेको व्यावहार ठीक नभएको भनाई राखे । उनले राजदुत सबैको अभिभावक भएकोले अभिभावकको जस्तो व्यावहार गर्न सुझाब पनि दिए । ‘हामी पत्रकारहरुको कार्यक्रम भएकोले मलाई प्रमुख अतिथी बनाउनु भएको होला । अरु देशमा पनि मलाई प्रमुख अतिथी बनाएर राजदुतलाई विशेष अतिथी बनाएका छन् । नेपालमा पनि उपप्रधानमन्त्री विशेष अतिथी भएर म प्रमुख अतिथी भएको छु । अरु ठाउँमा सबै राम्रै भएको यहाँ मात्रै राजदुतले प्रोटोकलको कुरा गरेर कार्यक्रम बहिष्कार गरेकोले सिंगो पत्रकार सहसंघलाई अपमान गरेका हुन् । देशकै इज्जत बोकेर हिड्ने मान्छेको ब्यावहार र भनाई देखेर आफु छक्कै परेको छु ।’ उनले भने ।
कार्यसमितिममा बरिष्ठ उपाध्यक्षमा किसान गौतम, उपाध्यक्षमा रेश्मा राई, दुर्लभबन्धु पोखरेल, महसचिवमा मिन विके, सचिवमा केशव पोखरेल र निकुञ्ज तिवारी, कोषाध्यक्षमा बबिता ओली सदस्यहरुमा कृष्ण प्रसाद शर्मा, सविना कार्की, हरिप्रसाद अधिकारी,कृष्णप्रसाद न्योपाने, गुरुदत्त न्योपाने र बामदेब देबकोटा निर्वाचित भएका छन् ।