रिदम लाइभ कन्सर्टको सम्पुर्ण कलाकार कोरियामा, उपस्थितका लागी सबै नेपालीलाई आव्हान
काभ्रे र धादिङ जिल्लाको विकट गाउँमा एम्बुलेन्स संचालन गर्ने मुख्य उद्देश्यले दक्षिण कोरियामा गर्न लागेको “रिदम लाईभ कन्सर्ट तथा साँस्कृतिक धमाका”मा सहभागी हुन सम्पुर्ण कलाकार कोरिया आइपुगेको छ । मुख्य कलाकार दिपक बज्राचार्यको टिम भने ३ दिन अगाडि नै आइसकेको काभ्रे सम्पर्क मंच दक्षिण कारिएको उपाध्यक्ष सानू लामाले जानकारी दिएको छ ।
आज पुर्णिमा लामा, राजा राजेन्द्र पोखरेल, अञ्जली अधिकारी, रक्षा श्रेष्ठ, बबिता बानियाँ (जेरि) लगायत सबै कलाकारहरू कोरिया आइपुगेको जानकारी धादिङ समाज कारिएको अध्यक्ष सन्तोष अधिकारीले दिएको छ । कोरियाको ठूलो चाड तथा लामो विदा समेत हुने छुसकको अवसरमा गर्न लागेको उक्त सांगीतिक कार्यक्रमको आयोजना प्रदेश दुई अन्तर्गतको प्रवासी संगठन काभ्रे सम्पर्क समिति दक्षिण कोरिया र धादिङ सेवासमाज दक्षिण कोरियाले संयुक्तरूपमा गर्न लागेको हो ।
“प्रवासमा नेपाली एकता, आजको आवश्यकता सामाजिक सेवामा हाम्रो प्रतिबद्धता” भन्ने मुल नाराका साथ विशुद्ध परोपकारी तथा सेवाको भावना र “हाम्रो मन नेपाली पन, हाम्रो कला संस्कृति अमुल्य धन । सफल, सुखद र रोमाञ्चक बनाऔं प्रवासी मन ।” मुल नाराको साथ गर्नलागेको यस कार्यक्रममा सहभागी हुन कोरियामा रहेका सम्पुर्ण नेपालीहरूलाई अध्यक्ष केसीले अनुरोध पनि गरेको छ ।
कार्यक्रममा नेपाली सांगीतिक आकाशमा दुई दशक भन्दा बढी समयदेखि आफ्नो छुट्टै गायन कला, लोक बाजा, लोक बोल र तालको प्रयोग गरेर आफ्नो छुट्टै स्थान बनाउन सफल गायक दीपक बज्राचार्य तथा रिदम ब्यान्डको मौलिक सांगीतिक प्रस्तुति रहनेछ छ । चर्चित ब्यान्ड संगै अहिलेको जल्दाबल्दा चर्चित विभिन्न बिधाका कलाकारहरू पुर्णिमा लामा, राजा राजेन्द्र पोखरेल, अञ्जली अधिकारी,रक्षा श्रेष्ठ, बबिता बानियाँ (जेरि) लगाएत स्थानीय कलाकारहरुको बेजोड प्रस्तुति रहने जनाएको छ ।
यस सांगीतिक कार्यक्रममा नेपालबाट आउने चर्चित पत्रकार रबि लामिछाने बिशेष अतिथिको रूपमा सहभागी हुने जनाएको छ ।
