कोरियामा सवारि दुर्घटनामा परि अर्का एक नेपालीको मृत्यू

साइकल दुर्घटनामा पर्साका ओमप्रकाश चौधरीको मृत्यू भएको एक हप्ता नबित्दै आज अर्को एक नेपालीको मोटरसाइकल दुर्घटनामा ज्यान गएको छ । आज विहान दक्षिण कोरियाको ख्याङसाङनाम्दो छाङन्यगुन नाम्जीमा आफैले हाँकेको मोटरसाइकल अनियन्त्रित भएर दुर्घटना हुँदा प्युठान घर भएका नारायण जिसीको ज्यान गएको हो ।
उनी दक्षिण कोरियामा आएको तीन महिना मात्रै भएको कम्पनीमा सँगै काम गर्ने साथीले जानकारी दिएका छन् । उनी काम गर्ने कम्पनीमा तीन जना नेपाली काम रहेको र हिजो ढिलासम्म साथीभाइ मिलेर रमाइलो गरेको थाहा भएको छ । साथीभाइ रमाइलो गर्दा गर्दै साथीको मोटरसाइकल लिएर बाहिर निस्किएका जिसी दुर्घटनामा परेका थिए ।
‘ठूलै दुर्घटना भएको भन्छन् । मोटरसाइकल सडकको भित्तामा ठोकिएर दुर्घटना भएको हो रे ।’ गैह्र आवासिय नेपाली संघ एनआरएनए दक्षिण कोरियाका अध्यक्ष लक्ष्मी गुरुङले भनिन् । ‘मलाई बिहानै फोन गरेका रहेछन् । सुरुमा त थाहा भएन । तर पछि कुरा भयो । दुर्घटना पछि प्रहरीले नै नेपाली राजदुताबासमा जानकारी गराएको रहेछ ।’ उनले भनिन् ।
दुर्घटनाको जानकारी नेपालमा परिवारलाई दिएको नेपाली राजदुताबासले जानकारी दिएको छ ।